Kitfwa to ena enn version Labib New World Translation of the Holy Scriptures dan enn lot lang, kouma par exanp an Franse, kot ena bann referans ki trouv dan kolonn omilie. Sa bann referans-la montre ki sertin verse Labib an-akor ar bann lezot verse parski zot koz lor mem size ek zot donn plis linformasion lor la. Pou to gagn enn referans, get ti alfabe ki ena apre enn mo. Dan bann Labib inprime, rod sa ti alfabe-la dan kolonn ki trouv omilie, ek to pou trouv bann verse ki ena enn lien ar sa verse-la. Lor jw.org ouswa dan JW Library^® tap lor alfabe-la pou to gagn bann referans-la.

Dan bann referans ki omilie, to kapav trouv:

Bann mem levennman: Referans-la pou donn twa bann verse kot finn ena mem levennman dan enn lot liv Labib. Par exanp, get 2 Samiel 24:1 ek 1 Kronik 21:1.

Bann mem parol: Referans-la pou montre twa kotsa enn fraz ouswa enn lexpresion sorti. Par exanp, get Matie 4:4 ek Deteronom 8:3.

Bann profesi ki’nn realize: Referans-la pou donn twa bann verse kot ti anons enn profesi ouswa kot profesi-la inn realize. Par exanp, get Matie 21:5 ek Zakari 9:9.