Nou bann piblikasion ranpli ar zimaz ki ansegn nou bann kitsoz bien inportan. Kouma to kapav profit bien sa bann zimaz-la?

• Avan ki to lir enn lartik, get bien bann zimaz sa lartik-la. Kan to get bann zimaz, sa kapav motiv twa pou lir lartik-la. Kan to trouv enn bon manze, sa donn twa lanvi pou manz li, pa vre! Dan mem fason, to pou plis anvi lir enn lartik si to get bann zimaz-la avan. Alor, avan ki to lir enn lartik, demann tomem, ‘Ki zimaz-la pe montre?’—Amos 7:7, 8.

• Amezir ki to lir lartik-la, reflesi kifer inn met sa bann zimaz-la. Lir deskripsion ek komanter sa bann zimaz-la. Reflesi ki lien zimaz-la ena ar paragraf-la ek ki leson to kapav tire ar zimaz-la.

• Apre ki to’nn lir lartik-la, reget bann zimaz-la ek servi zot pou rapel bann pwin inportan ki to’nn aprann. Apre sa, ferm to lizie, esey rapel bann zimaz-la, ek gete si to rapel bann leson ki to’nn aprann ar sak zimaz.

• Aster-la, reget tou bann zimaz ki ena dan sa nimero Latour Degard la, ek gete si to rapel bann pwin inportan sak zimaz.