Vɔ í ló pɔɔ̀ waà yía mɔ̀

I vɔ í ló pɔɔ̀ nì lɛ́ waa yía lòni píéa

 PƐ ZƆ̃̀Ɔ̃̀ PÌÀ 28

Mɛ I Bɛi A Gɛ̃ɛ Ko Wɔ̃kɛkɔ Gɛ̃piaa Mɔ?

Mɛ I Bɛi A Gɛ̃ɛ Ko Wɔ̃kɛkɔ Gɛ̃piaa Mɔ?

France

Poland

Russia

Zizɛ Kɛlɛi a gee la toapiemia lɛɛ: “Ka tíé è lɛ̀ fɔ̀nɔ mia wɛlɛ mɔ̀ kɛɛ ó wɔ̃́ yiè séĩ́ lɛ́ kà kɛ̀ɛ gɛ̃̀, tó wáà tɔ̀-ɓɔ nɔ̀ ka dàa lɛ́ e lɛ̀ía lɛ̀ɛ.” (Máfìù 5:16) A kɛɛ yia, koo pɔɔ ni lɛ o yɛɓo kɛa pɛnɛɛ lɛ a do lɛ fãala kaa da yɛɓo pie kpokpo ɓo. Wɔ̃ lɛ a gbɛ̃ɛ̃ lɛ Zihova la Kela vɔ mɔ wa wɔ̃ o gɛ̃ wana ka ɛ̃ɛ̃ wɔ̃ o kɛɛ ii bɛi o gɛ̃ɛ̃ ko wɔ̃kɛkɔ gɛ̃pia die kpokpo lɛ e jw.org kaa la. Mɛɛ wɔ̃ ni lɛ lɛ yi?

Wɛ̃ilɔɔ lɛ mia o kɛ teelea yiɓoa lɛ e go Baabo yia. Ii bɛi wɛ̃ilɔɔ kpanazɛ ni lɛ mia o kɛɛ yiɓoa ni gɛ̃ɛ̃ yi. A gɔ̃a lɛ e kii lɛɛ kélekele ni lɛ o si Kéa Wɔ̃́ Nyɔ́ɔ̀ɔ Gɛ̃̀ɛ̃̀ Lɛ́ɛ̀ Lo Nɔ́ Nyɛɛ̀? wa Míá Waà Gaa Óò Bɛ̀i Kɛɛ̀ Ɓe Kpó-Kpó Ɓo Zeĩ́? ka. O bɛ̃ɛ̃ lɛ we ni lɛ o diee lɛ 600 (wũ salaado yia) yi. Ii bɛi zeĩ New World Translation gɛ̃ɛ̃ we ni lɛ o diee lɛ 130 (wũ doo la vũ yaaka) yia yi a lɛ mɔ, e daá kii ni lɛ o gbũ i mɔ i Baabo mɛdãã ba. A do lɛ e kelɛ kii be lɛ o si What Does the Bible Really Teach? ɛ̃ɛ̃ The Watchtower wa Awake! kɛɛzɛ dɛɛ kaa. Ii bɛi pɛzɔ̃ɔpɔɔ vɔ ni o kea geee ɛ̃ɛ̃ i i too dɔɔ o mɔ fãala, ɛ̃ɛ̃ a kɛkɔ gbɛɛgbɛɛ ni o kea MP3, PDF, wa EPUB sii i lɛɛ. Ii bɛi a do ɓoo kɔmpitɔɔ yi kii lɛɛ la to ɓaa zɔ̃ɔ̃ mia lɛ o naa kaa lɛɛ o pa we yi. Pɛzɔ̃ɔpɔɔ vɔ ye o vilo kaa kɛɛ lɛ we o gee o kɔ kaa yi. Ii bɛi Baabo geeezɛ lɛ lɛ wɔ̃ piegɔ̃kɛɛzɛ ka wa Baabo yiwɔ̃ piegɔ̃kɛɛzɛ ɛ̃ɛ̃ tã yieyie nia sii i lɛɛ ɓaa i too dɔa mɔ i fĩidɔ luo ka.

Wɔ̃ wanazɛ lɛ a gbɛ̃ɛ̃ lɛ Zihova la Kela vɔ mɔɔ. Zeniia, wɔ̃ laũ dɛɛdɛɛ wa vilo ni lɛ a gbɛ̃ɛ̃ lɛ yɛɓo lɛ ko kɛ kpoula lɛ seĩ mɔɔ waa lɛ mɔ. E to wɔ̃ lɛ e Zihova la Kela vɔ gɛ̃ wa zi ko gbumɔ nɔa ye wɔ̃ nyɔɔɔ aa ɓɔ mia laa seĩ laa lɛ mɔ. Ii bɛi luo wa lɛ lɛ ko kɔnvɛnsɔ̃ lɛ lɛ nupiaa, e lo kɛɛ a kaa gɛ̃ɛ̃ a lɛ mɔ, e daá zi i bɛia mɔ i ko yɛɓo kɛa wi ka ni lɛ o Bɛtɛ kaa, gɛ̃ a kaa ba.

Wɔ̃ wanazɛ lɛ a gbɛ̃ɛ̃ lɛ Zihova la Kela vɔ mɔɔ. Zeniia, wɔ̃ laũ dɛɛdɛɛ wa vilo ni lɛ a gbɛ̃ɛ̃ lɛ yɛɓo lɛ ko kɛ kpoula lɛ seĩ mɔɔ waa lɛ mɔ. E to wɔ̃ lɛ e Zihova la Kela vɔ gɛ̃ wa zi ko gbumɔ nɔa ye wɔ̃ nyɔɔɔ aa ɓɔ mia laa seĩ laa lɛ mɔ. Ii bɛi luo wa lɛ lɛ ko kɔnvɛnsɔ̃ lɛ lɛ nupiaa, e lo kɛɛ a kaa gɛ̃ɛ̃ a lɛ mɔ, e daá zi i bɛia mɔ i ko yɛɓo kɛa wi ka ni lɛ o Bɛtɛ kaa, gɛ̃ a kaa ba.

Zi e kɛa kaa, lɛ ko tie gbɛ̃pia ka wanawɔ̃ɔ mɔ kpoula lɛ seĩ mɔɔ. Mia o gbumɔ sɔlɔɓo pia kpoula lɛ seĩ mɔ. Koo sɛ̀nɛ ɓo kɛ “ko Dàa mì là wééa é wɛ̃̀ĩ tiè tièe” kpoula lɛ seĩ mɔ Wala tɔ ɓɔ zi pie.—2 Tɛsàlónìà 3:1.

  • Zi kpɛɛ lɛ jw.org lɛ gbũ piaa mia mɔ kɛɛ o Baaboa mɛdã?

  • Mɛɛ wɔ̃ lɛ i loa naa ɓa gɛ̃ ko wɔ̃ kɛkɔ gɛ̃piaa la?