Vɔ í ló pɔɔ̀ waà yía mɔ̀

I vɔ í ló pɔɔ̀ nì lɛ́ waa yía lòni píéa

 PƐ ZƆ̃̀Ɔ̃̀ PÌÀ 10

Mɛ E Kɛimia Wa Gbini Wala Lɛɛ Ka?

Mɛ E Kɛimia Wa Gbini Wala Lɛɛ Ka?

South Korea

Brazil

Australia

Guinea

E go mɔ zee mɔɔ, Zihova a naa kɛimia o luo si o kɛ o kie ba waa wa Wala wɔ̃ kɛɛɛ mɛ kɛ gaga kɛi pie. (Dutɔ̀lɔ́nɔ́mè 6:6, 7 NW) Pɛ a kɛ lɛ Zihova la Kela vɔ o luo si lɔ́ɔ seĩ ka waa kɛimia wa gbini Wala lɛɛ kɛɛ lɛ. A lɛ mɔɔ, oo Wala wɔ̃ lɛ è gbɛ̃ wɔ̃ è o gɛ̃ deĩ lea mɔɔ gee zoyage ka. I kɛ bɛ̃ɛ̃ i doo kaa, luo lɛ ɓa si ɓaa Baaboa mɛdã a kaa lɛ kelɛ luo si ka Wala kaa kɛ ka kie baa lɛ ɓe.

Kɛimia wa Gbini Wala lɛɛ lɛ luo lɛ mia o nua Zihova ka kɔɛɛ ka. “Kà nu Wálà ká kɔ̀ɛ́, lɛ́ɛ̀ lo nuù ka bɛ̃̀ɛ̃ ka ká kɔ̀ɛ́.” (Zĩ́ĩ̀ 4:8) Ye kɔaa Baaboa geea koo Zihova zi yiikɔ wa wɔ̃ ni lɛ e a kɛɛ dɔ kpokpo ɓo sɛ. Zi i bɛi ɓa kɛimia wa gbini Wala lɛɛ gã gbɛ̃a e yie kaa lɛ e kelɛ ka luo si kaa Baaboa lɛ do gee e kie ba. Ii bɛia kɛɛ tò Life and Ministry Meeting mɔɔ wɔ̃ yakielezɛ e lɔ́ɔ yia pie ka. I Baaboa lɛ do nɔ kɛimia lɛɛ deĩ le o gee. Ye aa kɛ gbaa, mia seĩ oo bɛi wɔ̃ wa mɛdã Baaboa yia geee gbaa o kie ba.

Kɛimia wa Gbini Wala lɛɛ lɛ luo lɛ kɛimia o nua o kie ka kɔɛɛ ka. Ye gɔ̃a wa o na ni, ɛ̃ɛ̃ nɛyemia wa nɔɔɓe ni waa Baabo mɛdã o kie baa o fĩa lɛɛ kɛ sɛ. Laa mɔ e kɛ luo kpanazɛ kpokpo lɛ e nu geli wa zoyage lɛ mia seĩ nyiɛ laa gɛnɛ lɔ́ɔ yia ka. Lɛ zi nɔɔɓea kɛ̀ɛ̀ lɛ a kaa, lɛ laa mɔ o mia ni o wɔ̃ɔ wũlawe ye lɛ o wɛ̃ĩ sɛɛ si waa geea. Wɔ̃ nia oo bɛia sii The Watchtower wa Awake! yi, ɛ̃ɛ̃ ko wɔ̃kɛkɔ gɛ̃pia, jw.org la. Ii bɛi wɔ̃ geee e gbɛ̃a wɔ̃ e ɓɔ ɓa nɔɔɓe la kii kɛi ɛ̃ɛ̃ zi o bɛi diea wɔ̃ɔ yia mɔ. Lɛɛ lo kɛɛ sɛ ka wɔ̃ ni o JW Broadcasting (tv.jw.org) laa gɛ̃, kaa wɔ̃ gee e gbɛ̃a mɔ ye aa nyɛɛ ka. Ka ge lɛɛ lo lii ka tã ni lɛ o lo a ɓoo pakiemɔ nia yia mɛdã ɛ̃ɛ̃ kaa pɛ ɓeĩ ɓele ka kie ba ye ka kɛimia wa gbini Wala lɛɛ aa nyɛɛ ka.

Luo lɛ o si lɔ́ɔ seĩ yi waa gbinia Zihova lɛɛ o kie baa lɛɛ gbũ kɛimia seĩ mɔ. Laa kɛ o ge aa li o Wala Lewea mɛdã ɛ̃ɛ̃ Wala lɛɛ lo lua kpɔɔ o mɔ kpokpo ɓo.​—Psalm 1:1-3, NW.

  • Mɛɛ ko mɔɔ luo si ɓo kɛimia wa gbini Wala lɛɛ kɛɛɛ wɛ̃ĩ?

  • Zi kpɛɛ lɛ nɛyemia o luo e kea kɛa gelizɛ kɛimia seĩ wɛ̃ĩ?