Emu haere be . . .

  • oibe?

  • lasi?

  • reana?

 BAIBEL NA E TOMAMU

“Dirava . . . ese iruru-matadia iboudiai matadia amo baine dahu oho. Mase bona dara-doko bona taitai bona hisihisi bae ore.”Apokalupo 21:3, 4, Buka Helaḡa.

UNA GWAUHAMATA ENA NAMO

Ta dibamu, hekwakwanai idauidau na dia Dirava ese havaramu.Iakobo 1:13.

Ta dibamu Dirava ese eda hisihisi danu e mamimu.Sekaria 2:8.

Ta abia daemu, hisihisi iboudiai na bae ore.Salamo 37:9-11.

 BAIBEL BAITA ABIDADAMA HENIA DIBA, EIAVA?

Oibe, ini badi rua daidiai:

  • Dirava na se uramu baita hisihisi. Baibel negadiai, Iehova ena taunimanima na haida ese e hahisidiava o e daḡedaḡe henidiava neganai, Dirava ena hemami be ede bamona? Baibel e tomamu, Dirava na ena taunimanima e bogadia hisiva.Hahemaoro Taudia 2:18.

    Haida e hadikadiamu taudia edia kara na Dirava ese se moalelaimu. Heḡereḡere, Baibel e tomamu, “asi ena kerere tauna rarana e hahebubuamu” tauna na Dirava ese e badu heniamu.Hereva Lada-isidia 6:16, 17.

  • Dirava ese ita ta ta na e laloda badamu. Bema taunimanima “ta ta sibona sibona ena hisihisi bona ena lalo-hisihisi dibadia,” una anina Iehova danu mai dibana!2 Sisiga 6:29, 30.

Kahirakahira, Iehova na ena Basileia amo ita ta ta eda hisihisi baine haoredia. (Mataio 6:9, 10) Una nega do se kau lalonai, Iehova ese tauhalo na ia e tahuamu taudia e henidiamu.Kara 17:27; 2 Korinto 1:3, 4.

 MANI A LALOA

Dahaka dainai Dirava ese hisihisi na se haore haraḡamu?

Una henanadai haerena na ini Baibel siridiai: ROMA 5:12 bona 2 PETRO 3:9.