Ũrĩa Bibiria yugaga

 Ĩgiita rĩmwe, Mũrungu neetĩkĩĩrĩtie muntũ mũrume kwĩthĩrwa na nkũrũki ya mũka ũmwe. (Kiambiriria 4:19; 16:1-4; 29:18-29) Ĩndĩ, Mũrungu tĩwe wambĩrĩrie mũbango jwa kũgũra aka babaingĩ. Aaere Adamu mũka ũmwe.

 Mũrungu neerĩre Jesũ Kristũ ariikanie antũ watho bwawe bwegie kũgũra mũka ũmwe. (Johana 8:28) Rĩrĩa Jesũ oorĩrue mantũ jegie ngũrano aaugĩre ũjũ: “Kabutathoma ati Uria woombire antu kuuma o kiambiriria aboombire bari muntumurume na muka? Ningi arauga atiri, Untu bwa gitumi kiu muntu natiganage na ithe na ng’ina, agwatane na mukowe, na bo-bairi bakaa mwiri jumwe.’”—Mathayo 19:4, 5.

 Ũmwe wa arĩtwa ba Jesũ natongeererue kwandĩka ũjũ: “Ni bwega o muntu o muntu akare na mukowe, na o muka akare na murumewe.” (1 Akorintho 7:2) Kinya Bibiria nĩ yugaga atĩ muntũ mũrũme ũrĩa ũgũrene na akaewa twanya kĩuthũranone abuĩrĩte kwĩthĩrwa “ari murume wa muka umwe.”—1 Timotheo 3:2, 12.