Ĩĩ. Tũrĩ Akristũ tontũ bwa itũmi bibi:

•   Nĩtwiritanagĩria mono kũthingatĩĩra mooritani na mĩĩtĩre ya Jesũ Kristũ.—1 Petero 2:21.

•   Nĩtwĩtĩkĩtie atĩ Jesũ nĩwe mwonokia weetũ, tontũ “guti riitwa ringi kinya ririku guku nthi, riria rieei antu, riria riagirite ria gutwonokia.”—Mathithio 4:12.

•   Rĩrĩa antũ bathuura kwaa Akũũjĩ ba Jehova, babatithagua ndeene ya riĩtwa rĩa Jesũ Kristũ.—Mathayo 28:18, 19.

•   Tũrombaga gũkũrũkĩĩra riĩtwa rĩa Jesũ Kristũ.—Johana 15:16.

•   Twĩtĩkĩtie atĩ Jesũ nĩwe kĩongo, kana ũrĩa ũthuuri kwathaga muntũ mũrũme o wonthe aja nthĩgũrũne.—1 Akorintho 11:3.

 Amwe nou, tontũ bwa itũmi bingĩ bibiingĩ batuĩ tũrĩ mwanya na ndini ingĩ irĩa ciĩtagwa cia Gĩkristũ. Ngerekano, batuĩ twĩtĩkĩtie atĩ Bibiria ĩritanaga Jesũ nĩ mũtaana wa Mũrungu, na wee tĩ gĩcuncĩ kĩa withatũ bũtheru. (Mariko 12:29) Tũtĩĩtĩkĩtie atĩ mwoyo jũtĩkũjaga, na gũtĩ mũsingi jwa kĩmaandĩko jũkwonania Mũrungu akaĩthia antũ kenya na kenya. Kinya nĩtwĩtĩkĩtie atĩ antũ barĩa batongangĩĩria kĩrĩ mantũ ja kĩndini, batĩbuĩrĩte kwĩthĩrwa na mariĩtwa ja gĩtĩĩo ja kũbookĩĩria nkũrũki ya antũ bangĩ.—Mutumiiria 9:5; Ezekieli 18:4; Mathayo 23:8-10.