Li mia haiŋ kpɛlɛ na

Jɛhova Jeliwuablesia

Kɛnyɛyei wumbu Mɛnde

Nunga Ti Hindeisia kɛ Kukisia Ti Yayengelei

Nunga Ti Hindeisia kɛ Kukisia Ti Yayengelei

Jɛhova Jeliwuableisia ti hugbatei bagɔɔ lɔ hindei nasia ma nunga ta hugɛ a tie kɔlongɔ tia yekpe ma, nahi tɛɛ lo numu yeka gbi i magɔɔ. Kɔ bi kɔɔ sia mu hugbatei a ye jia a Saweisia Kɔlongɔ Nunga Ti Hindeisia Ma, mbei gbɔnda.

Saweisia Kɔlongɔ Nunga Ti Hindeisia Ma, i kɛilɔ sia Jɛhova Jeliwuableisia ti hugbatei a hindei nasia hou la nunga ta hugɛ a tie kɔlongɔ tia yekpe ma. I gbɛɛ na ma, hindanga nyɛingoi mbui ji na a gbɔ bi ma kɔ bi wɛbsaiti ji hinda hugɔɔ vui panda.

Wɛbsaiti ji Watchtower Bible and Tract Society of New York, Inc. (“Watchtower”), mia ngi wo le. Ye wɛbsaiti ji ii na kɔpɔ gɔkoi va, i naa kɔ i Jɛhova Jeliwuableisia ti yingi lɛ gulɔma tao kɔ i gbɔ nunga ma ti Baibui gaa. Wɛbsaiti ji ye saveisia lɛnga ti Amɛlika lɔ.

Bi Hindeisia

Hindei nasia ba nyɛin kɔlongɔ bia yekpe ma wɛbsaiti ji hu, ta gayenge lee na va lɔ bi nyɛini fa.

Hindei nasia ba nyɛin kɔlongɔ bia yekpe ma muɛ fe numu yeka gbi wɛ, mua fe lɔ lee ina na mia a pie bi na majɔɔ bi gbeengɔ fa, ɔɔ ina mu kɔɔ lɔ kɛ na mia sawei kɛni kɛ mua pie. Ɔɔ ina gbɔma mu lii heilɔ ma kɛ na mia kungɔ mu pie kɔ mu mu wɛbsaiti mahugbe tao ina hinda wulo gbulailɔ nga mu wɛbsaiti hu nahi mu longɔ mu hugbatɛ. Kɛɛ pɛiŋ mua ya na wue, mua pie lɔ bi magɔɔ. Ji bi wɛbsaiti ji yayengema, i kɛnga kɛ bi lumanga kɔ wɛbsaiti yekanga ti bi hindei magɔɔ sabui jisia va. Hindeisia ba nyɛin wɛbsaiti ji hu kɔlongɔ bia yekpe ma, muɛ majia, muɛ mawove, tao muɛ siaŋ klobɛɛ va.

Wɛbsaiti Yekeisia. Tɛnga lɔ na, mua linkinga yayenge lɔ nahi ta too wɛbsaiti yekanga ma mu ti wumbunga kɔ ti kpee lɛnga gbua mu va (sia nyikɔ ji na ba yɛ haiŋ ma nyɛima intanɛti hu). Bi wuinga wɛbsaiti yeka hu, ba kɔɔ lɔ, gbɛva see pili na wɛbsaiti a gɛ la ma a wove lɔ tao bi wɛbsaiti ye mahui gbenga ba kɔɔ lɔ kɛ bi wɛbsaiti yaka hu lɔ naa. Mu wɛbsaiti yeka gbi wumbunga, mua yaa a kaa wue kɔlongɔ ti ma kɔ mu tɔ ina pele yakpe mia mua tieni mua nunga ti hindeisia hou la. Ina bi hugitingoi kɔlongɔ wɛbsaiti gbi ma mu mbumbunga, kaa wue ti wɛbsaiti hu kɔlongɔ pili na ta nunga ti hindeisia hou la.

Mahugbe Hindei

Muɛ nunga ti hindeisia ti mahugbelei gula kɔlɛ hu. Mua hakanga yayenge lɔ sia nyikɔ Transport Layer Security (TLS) na kɔ mu bi hindeisia mahugbe ji a yɛ pele hu li va ɔɔ wa va. Mua hakanga yayenge lɔ ti kɔmpitei hu kɔ mu tɔ kɛ numu gbi ɛɛ gu i loko la hindeisia ma bi nyɛinga, bi joyonga mu gama.

Bi Ime Adɛsi

Ime adɛsi na ba pu ji ba yɛ ime lawoma wɛbsaiti ji hu, ta mia mua gayenge kɔ mu fo bi ma, mu longa mu yɛpɛ bi gama kɔlongɔ bi ime ma. Tɔmasei gɛ va, ina bi longɔ bi li ime na hu bi ndawoni jw.org kɛɛ bi lemanga mbiyei na ma ɔɔ paswɔdi na bi ndawoni la, mua ngowi yoyo lɔ ime adɛsi na hu bi puni na ji bi yɛ ndawoma.

Kpɔma Hindei

Bi longa bi navo ve a intanɛti huwue kpɔma wue va, mua bi biyei wumbu lɔ kɛ hinda yekanga nahi a gbɔ mu ma mu bi yɛmi gɔɔ. Kɔ mu ye navui na majɔɔ a kɛditi kadi huwue, mua pie lɔ i lee a wɛbsaiti na huwue nahi nunga ti kɔɔngɔ kɛ tɛɛ nunga ti hinda gbua ngitiya. Muɛ gbɛogbɛ hugɔɔ kɔlongɔ bi kɛditi kadi ma, bi banki nɔmba, ɔɔ haka yeka ba gayenge kɔ bi navo yoyo a ye wɛbsaiti na huwue. Mu ye navui na majɔɔnga bi joyoni, mua hindanga lamagbatɛ lɔ kɔlongɔ ma, sia nyikɔ wati na na bi joyoni, navui jikei, kɛ pili na bi joyoni la, kɛɛ muɛ ndamagbatɛ aa lee fo puu ma. Ji a gbɔɔ mu ma kɔ mu navo hindei jia a pili na mahoungɔ mu sia la tao kɔ mu gu mu mɔli gbi gbɛmbo ba ngua na woma kɔlongɔ bi ye kɔpoi na ma. Muɛ bi mɔli kpɔma yeka gbi wue va.

Hinda Yekanga

I baa ji ma ba hinda hugɛ a mue ji ba lo bi kpɔma wue ɔɔ bi ime lawo, ba hinda nyɛilɔ gbɔma kɔlongɔ bia yekpe ma (sia nyikɔ bi biyei na, bi adɛsi, kɛ bi fouŋ nɔmbei) hinda yekanga va (sia nyikɔ ji na ba lo numu i wa i bi gaa a Baibui). Mua hindei jisia yayenge sabui na va lɔ lee bi nyɛini fa.

Kukisia Ti Yayengelei kɛ Tɛkinɔlɔji Hindei Yepekeisia

Ji ba li mu wɛbsaiti hu, mua hindanga wumbu lɔ bi maisi hu. Hakei jisia mia ta ngingi ji wue, kukisia, wɛb bikɔnsia, kɛ ilɛtoniki hakei yepekeisia. Njiei ji mu gayengeni mbei a loo lɔ hinda gboto va sia nyikɔ spesi na na a yɛ bi fouŋ hu, bi kɔmpitei, ɔɔ bi tablɛti.

Kukisia Ti Yayengelei. Sia lee wɛbsaiti gbotoma na, ji ba wa wɛbsaiti ji hu haka wulo a wu lɔ bi fouŋ hu, bi tablɛti, ɔɔ bi kɔmpitei ta toi a “kuki.” Kukisia ti ngla-ngla ma lɔ tao ngenge yia yana ta yɛ piema, ta gbɔɔ bi ma bi wɛbsaiti hinda hugɔɔ vui panda. Kukisia ta gbɔɔ mu ma mu kɔɔ ina bi yɛ waa mu wɛbsaiti hu, tao a hakanga lamagbatɛ lɔ bi yɛ mbumbuni ji bi yɛ wɛbsaiti yayengema. Tɔmasei gɛ va, kɛnyɛyia gbi bi mbumbuma ji ba yɛ wɛbsaiti hu kuki a ndamagbatɛ lɔ, wati gbi bi yamama ye wɛbsaiti na hu ye kɛnyɛyei na mia a gɛ. Muɛ kukinga yayenge haka mahei la va.

Kuki nasia mu gayengeni wɛbsaiti ji hu ti gɔlɛ-kɔlɛngɔ na sawa:

  1. Kukisi Nasia Ti Magbeengɔ​—Kuki ye ji naa kɔ i gbɔ bi ma bi gu bi hinda lɛnga wue wɛbsaiti hu sia nyikɔ ji na, kɔ bi li bi ime hu, ɔɔ kɔ bi gu bi fɔmi yoyo wɛbsaiti hu. Kuki jisia tii yɛlɔ na, bɛɛ gu baa hinda lɛnga wue sia nyikɔ ji na ba lo bi navo ve kpɔma wue va a intanɛti huwue. Ta mia gbɔma a pie mu gu mu hinda wue bi wɛ ba mu mɔli fa. Kuki ye jisia tia tɛ hindanga lamagbatɛ kɔlongɔ mia ma bi yɛ na intanɛti hu.

  2. Kpɔma Kukisia​—Kuki ye jisia ti na hakanga lɔ lamagbatɛ va bi yɛ mbumbuni ji bi yɛ wɛbsaiti yayengema (sia nyikɔ mbiyei na na bi gayengeni ime lawo va, kɛnyɛyei na bi mbumbuni, kɛ kakei na ma bi na) tao a gbɔɔ bi ma bi wɛbsaiti hinda hugɔɔ vui panda.

  3. Hinda Hugbɛkpɛ Kukisia​—Kuki ye jisia ti naa kɔ ti kɛ numu lolɛ mia a wɛbsaiti ji yayenge, kɛ wati na ta mbumbu gayenge va. Na a gbɔɔ mu ma kɔ mu gu mu kɔɔ na mua pie kɔ mu wɛbsaiti i yenge vui panda.

Kukisia lɛnga, mua mia mua hugbatɛ. Yepekei nasia, wɛbsaiti ye nasia mua ti wumbu, tia mia ta hugbatɛ. Ye nasia lee mua hugbatɛ ta mia mua gayenge, kɛlee ina nu longa mu haka yia yayenge Google ta toi a Google reCAPTCHA. Google reCAPTCHA i naa kɔ i gbɔ mu ma mu kɔɔ ina nuuvui mia vui yengema a kɔmpitei ɔɔ hakei nasia nunga ta kpatɛ kɔmpitei hu, humi wue va. Kɔnɛ le li Google bi kaa wue kɔlongɔ pili na ma ta nunga ti hindeisia hou la https://www.google.com/intl/en/policies/privacy/.

Wɛb Bikɔnsia. Wɛb bikɔnsia ti yɛni a ilɛtoniki haka mumunga lɔ nahi ta yɛ mu wɛbsaiti hu, ta pie mu gu mu hinda lɛnga gɔɔ numu a pie ji a li mu wɛbsaiti hu sia nyikɔ ji na ba li hindanga. Ta pie lɔ mu kɔɔ nasia kinii ta li mu wɛbsaiti hu tao ta gbɔɔ mu ma mu kɔɔ sia a yenge la.

Ngingi Na IP Adɛsisia Ta Pie. IP adɛsi yɛni a nɔmbanga lɔ nahi ta gu ti kɛ kɔmpitei ye gbɛ bonda mia bi yeya ji ba li intanɛti hu. Mua bi IP adɛsi yayenge lɔ kɛ blaoji na ba gayenge li va intanɛti hu kɔ mu kɔɔ heima lolɛ mia ba li mu wɛbsaiti hu, fawei ye gbɛ mia mu wɛbsaiti ma, tao kɔ mu pie mu wɛbsaiti i yenge bi va panda.

Na Ba Lo La. Blaojeisia gbotoma ta luma lɔ bi kukisia gulɔ gbɔu ɔɔ ti pie bi kɔɔ, wati gbi kukisia ti yaa wama bi maisi hu. Kɔnɛ le bi blaojei gbekpe kɔ bi kɔɔ ba ye ji wue. Kɛɛ kɔɔ kɛ, kukisia tii wailɔ bi maisi hu, bɛɛ gu bi hinda lɛnga wue mu wɛbsaiti hu.

JavaSiipti

JavaSiipti na lɔ kɔ i pie wɛbsaiti i yenge panda. JavaSiipti a gbɔɔ bi ma kɔ wɛbsaiti i yenge fulo bi va. JavaSiipti ji ii na kɔ i plogami wu bi kɔmpita hu tao ɛɛ hinda wumbu bi kɔmpita hu nahi bii kɔɔ.

Kɔ hinda lɛnga ti yenge wɛbsaiti hu panda, kungɔ JavaSiipti i yɛ looinga. Blaojeisia lɛnga hu, ba gu lɔ bi JavaSiipti loonga ɔɔ bi ndufe wɛbsaiti lɛnga va. Bi longa bi kɔɔ sia ba ye JavaSiipti loonga ɔɔ lufe la saiti lɛnga hu, kaa wue kɔlongɔ blaojei na ma ba gayenge.

Kpayei Na Bi Yeya

Bɛɛ pawa gbi waa wɛbsaiti ji yayenge va, i gɛ bɛ kɛ bukuisia mia bi dauŋlodima, viduisia ɔɔ haiŋsia wolo va ma. Ii gɛni kɛ kɛlee bi ime lawo saiti ji hu, bi navo ve, ɔɔ bi bia yekpe hinda hugɛ a mue pɛiŋ baa ya nafa wɛbsaiti ji hu. Kɛɛ bi longa bi ime lawo, bi kpɔma wue a navo huwue, ɔɔ bi longa numu i wa i bi gaa a Baibui ɔɔ bi longa bi hinda gbi wue nahi kɛngɔ kɛ kɛlee bi bi hinda hugɛ a mue, na a kɛ lɔ kɛ bi lumanga pili na ma mua jia la a Nunga Ti Hindeisia kɛ Kukisia Ti Yayengelei; tao bi lumanga kɔ Watchtower ɔɔ Jɛhova Jeliwuableisia ti hugbatei i bi hindeisia wu savei na hu Amɛlika, i joyo hinda yeka, ɔɔ i yenge la kɔ bi gu bi na majɔɔ bi ti mamɔlini fa. Na ba pie wɛbsaiti hu ta mia a kɛ mia bi hindeisia ta li na. Tɔmasei gɛ va, ina kpɔmi mia bi longɔ bi pie a intanɛti huwue, nasia bi longɔ bi kpɔmi na wue ti ma ta gu lɔ ti hindanga hugɔɔ kɔlongɔ bi ma, sia nyikɔ bi biyei na kɛ mia bi na. Tɔmasei yepekei yɛni a ji lɔ, ina bi mɔli lɔ intanɛti hu kɔ numu i wa i bi gaa a Baibui, hindanga kɔlongɔ bi ma ta joyo lɔ Jɛhova Jeliwuableisia ti yenge biki hu ndɔɛ na hu bi na kɔ ti gu ti na wue bi ti mɔlinga fa.

Bi hinda gbi longa woma nahi kungɔ bi nyɛin kɔlongɔ bia yekpe ma kɔ bi gu bi ime lawo, bi kpɔma wue a navo huwue bɛɛ gu bi pie. Ɔɔ bi hinda gbi longa woma nahi kungɔ bi nyɛin kɔ bi gu bi nafa yeka gbi majɔɔ wɛbsaiti ji hu, bɛɛ gu bi majɔɔ.

Mu hinda gbi mawovenga kɔlongɔ Nunga Ti Hindeisia kɛ Kukisia Ti Yayengelei ma, mua ti nyɛin lɔ mbei kɔ wu kɔɔ a wati gbi hindei nasia mua gbee fa nunga yeya kɛ pili na mua ti yayenge la.

Sia sawei kɛngɔ la, kpayei a yɛɛ bi yeya hinda yekanga wue va a hindei nasia ba nyɛin kɔlongɔ bia yekpe ma. Tɔmasei gɛ va, ba gu lɔ bi loko la hindei nasia ma bi yɛ nyɛinga wɛbsaiti ji hu kɔlongɔ bia yekpe ma, bi mawove, ɔɔ bi kpua na. Ina ba gu lɔ bi ji wue ndɔɛ na hu bi na, ba ye hindei jisia majɔɔ lɔ mbei. Ina kpɔma mia bi yɛ pienga a navo, ba pie lɔ nasia bi yɛ kpɔmi na wuenga ti ma ti gbɔ bi ma bi hindei nasia majɔɔ bi yɛ nyɛini.