Li mia haiŋ kpɛlɛ na

Jɛhova Jeliwuablesia

Kɛnyɛyei wumbu Mɛnde

Hindei Nasia Kungɔ Bi Kɔɔ

Hindei Nasia Kungɔ Bi Kɔɔ

Sɛnɛo!

Wɛsaiti ji naa kɔ i gbɔ bi ma bi kaa wue kɔlongɔ Ngewɔ ma, Baibui, kɛ Jɛhova Jeliwuableisia. Ba bukui nasia gaa lɔ ba lo la, bi fimisia gbee, tao ba hakei nasia daulodi lɔ bi longɔ la. Mu longɔ nunga ti nafa wɛsaiti ji hu, kɛɛ kɔnɛ le baa gbɛogbɛ gbua wɛsaiti ji hu baa pu wɛsaiti yeka hu ɔɔ pogami hu. Bi haiŋ gaanga, nahi bi longɔ numu yeka bɛ i kaa, ba pie lɔ i wa mu wɛsaiti hu i kaa na, sia kɛngɔ la kakei ji bu, Hindei Nasia Kungɔ Bi Kɔɔ Pɛiŋ Baa Ya Wɛsaiti Ji Yayenge.

 Nasia Kpayei Ti Yeya Wɛsaiti Ji Mahu

© 2017 Watch Tower Bible and Tract Society of Pennsylvania. Numu yeka gbi ii guni i haiŋ jisia bonda gbatɛ ti wɛsaiti ji hu.

Jisia mia ti wɛsaiti ji gbatɛni, Watchtower Bible and Tract Society of New York, Inc. (“Watchtower”) tao tia mia ta mahugbe. Kɛ lee oo, kɛɛ na gbi lee nyɛingɔ wɛsaiti ji hu, Watch Tower Bible and Tract Society of Pennsylvania, (“Watch Tower”) mia ngi woo le.

 Na Ba Ti Gɔɔ Ma

Ba Adobe Systems Incorporated gɔɔ jisia lɔ ma: Adobe, Adobe logo, Acrobat, Acrobat logo. Ba Apple Inc. gɔɔ jisia lɔ ma: iTunes iPod. Ba Microsoft Inc. gɔɔ jisia lɔ ma: Microsoft, Microsoft logo, kɛ pogami gbi lee ba Microsoft software lɔ ma, i gbɛɛ Microsoft Office ma kɛ Microsoft Office 365. Pogami ye nasia kpɛlɛ naa ba ti gɔɔ ti biyeisia lɔ ma.

 Hindei Nasia Kungɔ Bi Kɔɔ Pɛiŋ Baa Ya Wɛsaiti Ji Yayenge kɛ Laisi, Gayenge Va

Numu gbi lee a wa mu wɛsaiti hu, kungɔ i luma njiei jisia ma ti nyɛingɔ kakei ji bu, Hindei Nasia Kungɔ Bi Kɔɔ Pɛiŋ Baa Ya Wɛsaiti Ji Yayenge. Bi wɛsaiti ji yayengenga, i kɛma lɔ kɛ bi lumaa njiei jisia ma. Kɛɛ ina bii lumani njiei jisia ma, ii guni bi mu wɛsaiti ji yayenge.

Gbɔɔ ba pie kɔ bi gayenge panda? Hindei jisia mia kungɔ bi nda nɛmahu bi yaa wɛsaiti ji yayengema:

  • Ba haiŋ gbi lee daulodi lɔ biakpe va, tao ba pisoi lɛnga ɔɔ magajisia kɛ haiŋ yepekeisia piliti lɔ tao ba mijiki kɛ viduisia daulodi lɔ bia yekpe va, kɛɛ baa majia oo.

  • Ba liki yoyo lɔ numu gama kɔ ta bɛ i gu i bukuisia, viduisia ɔɔ haiŋsia daulodi wolo va ma.

Kɛɛ:

  • Baa pisɔ, buku, logo, mijiki, vido, ɔɔ haiŋ yeka gbi gbua wɛsaiti ji hu, bi pu itanɛti hu (baa pu wɛsaiti yeka gbi hu ɔɔ bi kɔlɛ kɔlɛ nunga ma a itanɛti huwue).

  • Baa haiŋ gbi gbua wɛsaiti ji hu, i wue a pisɔnga, vidionga, mijikinga ɔɔ njianga, bi kpatɛ a pele yeka pu va itanɛti hu (ɔɔ pu va pogami yekanga hu).

  • Pisoi nasia ti wɛsaiti ji hu, mijiki nasia, vidui nasia, kɛ haiŋ yekeisia baa ti bonda gbatɛ majia va (ii gɛ bɛ kɛ bii kɔpɔ wa majɔɔma hu).

  • Baa pogami gbi gbatɛ haiŋ daulodi va, kɔlɛ kɔlɛ va, kɔpi va, ɔɔ pisɔ gbua va buku hu, wɛsaiti ji hu tao baa pogami yayenge haka gbua va wɛsaiti ji hu, kpatɛ va a pele yeka. (Kɛɛ ji ii sawa lani bi ma haiŋ daulodi va kɔ bi fe nunga wɛ gbama (sia nyikɔ, EPUB na, PDF, MP3, AAC, MOBI, kɛ MP4) ina lee i mia lɔ numu kpɛlɛ a li na.)

  • Baa wɛsaiti ji yayenge a pele yeka gbi i baa pili na ma mahoungɔ bi gayenge la.

  • Baa wɛsaiti ji yayenge a pili na huwue a huwu ɔɔ a pie nunga tɛɛ gu taa wa na. Baa wɛsaiti ji yayenge huma wue va, ndɛ gula va, ɔɔ hinda nyamu gbi wue va.

  • Baa haka gbi gbua wɛsaiti ji hu sia nyikɔ fimisia na, mijikisia, bukuisia ɔɔ haka yeka gbi, majia va.

 Kakei Hale Hindei Va

Kakei ji naa kɔ i gbɔ nunga ma ti hinda lɛnga hugɔɔ kɔlongɔ kahugbua hindei ma, kɛɛ ii gɛni kɛ bi higbɛnga, na mia ba wa na kɔ bi kɔɔ hali na kungɔ bi mbumbu ɔɔ na kungɔ bi pie kɔ bi bawo. Ii na hale hinda hugɛ va, numu bi higbɛnga a nyande lɔ bi li numui na gama hale hindei hugɔɔngɔ kɔ i nde bi ma hali na kungɔ bi mbumbu ɔɔ na kungɔ bi pie.

Bi longa bi hinda gbi hugɔɔ kɔlongɔ hale hinda ma a nyande lɔ bi halebla mɔli.

Mua lapi lɔ kɔ na kpɛlɛ nyɛingɔ kakei ji bu kɔlongɔ hale hindei ma, i lɔnya tao i yɛ looni lengahu a na nunga ti kɔɔngɔ ha kɔlongɔ hale hindei ma. Kɛɛ hindei nasia kpɛlɛ ti nyɛingɔ kakei ji bu, ti gbuani nasia gama lɔ ti hale hindei hugɔɔngɔ kɛɛ mui ndema kɛ tɔnyi mia a na kpɛlɛ nyɛingɔ na, fale ii guni numu i liivaa hindei nasia ma ti nyɛingɔ na. Numu longa i jia a na nyɛingɔ na, ndongɔ ngi gama lɔ, kɛɛ hinda gbi ngi mainga na woma mu loko gbi ii hu. Ina numu jiailɔ a hindei nasia ti nyɛingɔ kakei na bu na hale hindei va, hinda nyamu gbi ngi mainga (sia nyikɔ kpalɛ na, kpalei gbi lee, haa, i baa a kɔpɔ, ɔɔ haiŋ gbi lee) wɛsaiti ji nda ii ma.

 Hindei Nasia Muɛ Gu A Pie La Tao Bɛɛ Mu Gbalɛ Hou Fa

Sia bɛ Watchtower mia ngi wo mia a wɛsaiti ji tao ta mia a hakei nasia wu hu ti na, hinda gbi gbuanga ji hu ba yɛ gayengema ɔɔ haka daulodima hu, bɛɛ ti gbalɛ hou fa.

Tao, Watchtower ɛɛ nde kɛ bɛɛ vailɔsi majɔɔ ti wɛsaiti hu. Bi longa wɛsaiti ji yayengema, ɔɔ bi jianga a hinda gbi nyɛingɔ na kɛ hinda nyamu gbuanga poma, bɛɛ Watchtower gbalɛ hou na va. Bi longa ti wɛsaiti yayengema, bi baanga a haka gbi, ɔɔ hinda gbi hu i nyani bi ma, tia yana taa yɛ pawa waama fa.

 Bi Gbuanga Na Woma Nyɛingɔ Kakei Ji Bu, HHindei Nasia Kungɔ Bi Kɔɔ

Bii jiailɔ a na nyɛingɔ kakei ji bu, Hindei Nasia Kungɔ Bi Kɔɔ Pɛiŋ Baa Ya Wɛsaiti Ji Yayenge, Watchtower a jia lɔ a bie nyamungɔ. Kɛnga ta pie lɔ bɛɛ ya gu bi wɛsaiti ji yayenge wati lɛnga va, ɔɔ bɛɛ ya gayenge kunafɔ va, ɔɔ kɛnga ta kɔpitei nasia kpɛlɛ gbɔu lɔ ta bi IP adɛsi yayenge kɔ baa ya gu bi wa wɛsaiti ji hu gbɔma. Ɔɔ kɛnga ta yɛpɛ lɔ nasia gama ta pie bi li itanɛti hu kɔ ti pie baa ya wɛsaiti ji yayenge gbɔma ɔɔ kɛnga ta gbua lɔ a bie sawei gɔɔ bu.

 Ye Nini

Sia wati a yɛ lima, Watchtower a hinda lɛnga mawove lɔ kakei ji bu, Hindei Nasia Kungɔ Bi Kɔɔ Pɛiŋ Baa Ya Wɛsaiti Ji Yayenge. Ti mawovenga lee ta mia naa ta jia la tao nasia bɛ ta wɛsaiti ji yayenge, ta mia kungɔ ti jia la. Kɔnɛ le yaa kakei ji gaa kɔ bi pele nini na gɔɔ ti longɔ bi wɛsaiti ji yayenge la.

 Sawei kɛ Pili Na A Jia La

Na kpɛlɛ nyɛingɔ kakei ji bu, Hindei Nasia Kungɔ Bi Kɔɔ Pɛiŋ Baa Ya Wɛsaiti Ji Yayenge, a jia a sawei nasia lɔ nyɛingɔ sawa gɔlei hu New York, U.S.A. Fale, ina numu gbi njia wɛlɛilɔ mu ma jifa i haka gaanga kakei ji bu nahi i gba pili na ma sawei kɛngɔ la ndɔlei na hu i na, ɛɛ wue a njia mu ma.

 Ti Sawa Gbi Gbuanga Hu

Ina sawabla ti hinda gbi gbuailɔ hu kakei ji bu, Hindei Nasia Kungɔ Bi Kɔɔ Pɛiŋ Baa Ya Wɛsaiti Ji Yayenge, na ɛɛ kɛ kɛ numu a gbe lɔ a jia la a hindei yepekei nasia kpɛlɛ ti nyɛingɔ na. Ina bi gbuailɔ hinda gbi woma nyɛingɔ mbei, kɛɛ Watchtower ii gbɛogbɛ wueni a bie, na ɛɛ kɛ ɛɛ nyamu a bie ina bi pieilɔ gbɔma wati yeka.

 Ngangili Kpɛlɛ Wɛsaiti Ji Va

Hindei na kpɛlɛ nyɛingɔ kakei ji bu, Hindei Nasia Kungɔ Bi Kɔɔ Pɛiŋ Baa Ya Wɛsaiti Ji Yayenge, i yɛni a ngagili lɔ wua Watchtower luahu kɔlongɔ pili na ma ba wɛsaiti ji yayenge la. Tao na nyɛingɔ kakei ji bu ta mia ba jia la wɛsaiti ji yayenge va.