Li mia haiŋ kpɛlɛ na

Jɛhova Jeliwuablesia

Kɛnyɛyei wumbu Mɛnde

Jɛhova Jeliwuableisia Ti Baibui Mawoovenga Kɔ I Bɛ Na Ma Ti Langɔ La?

Jɛhova Jeliwuableisia Ti Baibui Mawoovenga Kɔ I Bɛ Na Ma Ti Langɔ La?

Ɔ-ɔ, mui na wueni. I baa na ma, mu kɔɔnga gɛ kpɔɔ kɛ mu lanayei ii bɛni na ma yɛ Baibui hu, fale mu mawoove lɔ.

Pɛiŋ mua yaa tato a New World Translation of the Holy Scriptures gbatɛ la 1950 hu, mu Baibui gaailɔ mu yama mu hu vɛsɛ. Mu Baibui lɛnga yayenge lɔ yɛ na kɔ mu na nyɛin panda mu langɔ la. A mu tɔmasei lɛnga hugbe lɛ kɔlongɔ na ma Jɛhova Jeliwuableisia ti langɔ la wɔɔ kpɔ, bi kiti lee biakpe va ii na mia vui Baibui ndeni.

  1. Na mu langɔ la: Numu sawa yana Ngewɔ yia hu. Nanui 1882 hu Zion’s Watch Tower ndeilɔ yɛɛ: “Nasia ta mu bukuisia gaa ti kɔɔ lɔ kɛ sia bɛ mu langɔ a Jɛhova, Yesu, kɛ bawo yafei, mui lani a kaa na ta nde kɛ Ngewɔ sawa mia numu yia hu ɔɔ sia nunga lɛnga ta nde la numu sawa mia Ngewɔ yia hu.

    Na Baibui ndeni: “Jɛhova mu Yewɔi yɛni a Jɛhova yakpe lɔ.” (Dutɛrɔnɔmi 6:4, The Holy Bible, na Robert Young nyɛini) “Ngewɔ yakpe lɔ lɛ na, Kɛkɛ a ngie, na haniisia gbi ti gbuani ngi yeya, kɛ mua lɔ ngi va; kɛ Ndemɔ yakpe, Yesu Kristi, na hu haniisia gbi ti na, kɛ mua lɔ ngi va.” (I Kɔrintabla 8:6, Kayema Baibui) Yesu bɛ ndeilɔ yɛɛ: “Kɛkɛ i leweni nya ma.”Jɔn 14:28, Kayema Baibui.

  2. Na mu langɔ la: Ngewɔ ɛɛ nuu gbi wu ngɔmbui hu kɔ i mɔnɛ kunafɔ va. Njie na i Romableisia 6:23 hu, Zion’s Watch Tower Golei 1882 ndeilɔ yɛɛ: “Jumbui pawɛi lɔ a hee,” Na ndema lɔ: “Kɛ njie ji bɛbɛngɔ gatɔ va. Kɛɛ nunga gbotoma ta nde tɛ Baibui lɔ ti yeya, tao ti langɔ a Ngewɔ Layei ti lani a njie na nyɛingɔ Baibu wui ji hu, ti kpɛɛ ta ndeilɔ tɛɛ, Baibui yɛɛ jumbu pawei ta mia a ji Ngewɔ a wu ngɔmbui hu kɔ bi mɔnɛ kunafɔ va.”

    Na Baibui ndeni: “Di sol we de kɔmit sin, go day.” (Ɛsiikiɛl 18:4, 20, Krio Fɔs Oli Baybul) Nasia tɛ na wue Ngewɔ longɔ la ɛɛ ti mɔ ngɔmbui, kɛɛ a ti “jukuu lɔ kunafɔ va.”II Tɛsaloniabla 1:9, Kayema Baibui.

  3. Na mu langɔ la: Ngewɔ Mahayei ii yɛni a hindei na lee a yɛ mu lii hu, kɛɛ i yɛni a hinda lɔnyangoi lɔ. Kɔlongɔ Ngewɔ Mahayei ma, Pundui hu 1881 Zion’s Watch Tower ndeilɔ yɛɛ: “Kɔ Mahayei ji i lo kunafɔ va, a mahayei nasia kpɛlɛ ti ndunyi hunyani lɔ kunafɔ va.”

    Na Baibui ndeni: “Kɛ mahayɛi nasia ti yefoloisia ma Aijɛnɛ Yewɔi lɔ a mahaya yila lo, na ɛɛ hunyani kunafɔ va, tawao yemahayɛi ɛɛ ya lo nunga wekaa yeya; kɛ a mahayɛi jisia gbi wolongolo lɔ, ti hunyani fɔ, kɛ a lolɔ kunafɔ va.”Daniɛl 2:44, Kayema Baibui.

Jɛhova Jeliwuableisia ti langɔ a New World Translation kɔ i bɛ na ma Ti langɔ la?

Ɔ-ɔ, mua Baibu gboto nga yenge lɔ ji mua li Ngewɔ laya lemi. Tao, sia bɛ mua New World Translation Baibui ve lɔ nunga wɛ nahi tɛɛ pawa waa va ji mua yɛ ti gaa ma a Baibui, kɛ mu gohu a nɛi lɔ gbɔma Baibui gaa va a nasia ta lo ti Baibu yekanga yayenge.