Li mia haiŋ kpɛlɛ na

Jɛhova Jeliwuablesia

Kɛnyɛyei wumbu Mɛnde

Potɛstabla Mia A Jɛhova Jeliwuableisia?

Potɛstabla Mia A Jɛhova Jeliwuableisia?

Ɔ-ɔ. Klistimableisia mia a Jɛhova Jeliwuableisia, kɛɛ muɛ mua wumbu a potɛstabla. Gbɛva le?

Hindei nasia potɛstabla ta pie yakpe yana a na Katolikibla ta pie. Tao potɛstabla tii loni a Katolikibla ti gaaisia kɛɛ ti gbuani ti hu lɔ. Jɛhova Jeliwuableisia tii lani a Katolikibla ti gaasia, tao tɛ tiakpe wumbu a potɛstabla hinda fele jisia va:

  1. Hindei nasia Potɛstabla gbotoma ti langɔ la ii Baibui hu. Tɔmasei mia a ji, Baibui yɛɛ “Ngewɔ yiakpe mia na,” ii ndeni kɛ Numu sawa mia Ngewɔ yia hu. (I Timɔti 2:5; Jɔn 14:28) Tao Baibui ndeilɔ yɛɛ Ngewɔ a nunga nyamuisia jukuu lɔ kɛɛ ii ndeni kɛ, a ti wu lɔ ngɔmbui hu, kɛ yɛ a ti jukuu lɔ kunafɔ va.Saam 37:9; II Tɛsaloniabla 1:9.

  2. Muɛ njɛpɛ nyamu le kɔlongɔ ti ma ɔɔ mu Katoliki Sɔsi mawoove ɔɔ sɔsi yekanga. Na lee mua pie, ta mia a ngowi yia lelei kɔlongɔ Ngewɔ Mahayei ma, tao mua gbɔɔ nunga ma kɔ ti lanayei i gbaya ngowi yei ji hu. (Matiu 24:14; 28:19, 20) Mu gbee ii nunga ti yewɔivɛi gbambi mawoove va, kɛɛ mu longɔ mu nasia gaa ta lo ti tɔnyi gɔɔ kɔlongɔ Ngewɔ ma kɛ ngi layei, na Baibui hu.Kɔlɔsiabla 1:9, 10; II Timɔti 2:24, 25.