Li mia haiŋ kpɛlɛ na

Jɛhova Jeliwuablesia

Kɛnyɛyei wumbu Mɛnde

Gbɛva Mia Jɛhova Jeliwuableisia Ta Yama Nasia Gama Ta Nde Tɛɛ Ti Nda Ngewɔ Vɛi Gbambi Lɔ Na?

Gbɛva Mia Jɛhova Jeliwuableisia Ta Yama Nasia Gama Ta Nde Tɛɛ Ti Nda Ngewɔ Vɛi Gbambi Lɔ Na?

Mu tɔnga kɛ nunga gbotoma ta li sɔsi hu ti longɔ a yɛpɛ la kɔlongɔ na ma Baibui hu. I baa na ma, mua bagɔɔmi ve lɔ numu na wɛ ii lani a na mu langɔ la, tao muɛ ngowi yekpe na mua nde gbɔnda ti ma.

Ji mua yɛpɛ kɔlongɔ sɔsisia ma, mua ndahi na Baibui hu la lɔ nɛmahu na i ndeni yɛɛ mu pie a “ndimayei” kɛ “bagɔɔmi” numu yepekei va. (I Pita 3:15) Mu kɔɔ lɔ kɛ nunga lɛnga tɛ wolo ngowi yekpe na ma mua wa la. (Matiu 10:14) Nahu gbi, muɛ kɔɔ ina nunga ta wolo mu ma ɔɔ tɛɛ wolo kɛɛ lee mu yɛpɛ ti gama. Tao mu kɔɔ lɔ kɛ numu mahindei a woove lɔ.

Tɔmasei mia a ji, mua numu mɛi lɔ ha ɛɛ lo i yɛpɛ mu gama, kɛ a wati yeka ngi gohu a nɛi lɔ yɛpɛ va mu gama. Tao gbɔma fo gbi kpundei a nunga mɛi ɛɛ ti lii nɛi, na a pie lɔ ti wolo ngowi yekpe na ma a gbua Baibui hu. Fale mu longɔ a yɛpɛ la nunga gama a wati gbi.