Li mia haiŋ kpɛlɛ na

Jɛhova Jeliwuablesia

Kɛnyɛyei wumbu Mɛnde

Klistimabla Mia A Jɛhova Jeliwuableisia?

Klistimabla Mia A Jɛhova Jeliwuableisia?

Ɔɔ. Klistimabla mia a mue hinda lɔɔlu jisia va:

  • Mua jia a Yesu gaa tao mua too lɔ ngi wuehindei woma.—I Pita 2:21.

  • Mu kɔɔ lɔ kɛ Yesu huwue mia mua bawo, tao kɛ “Biye weka gbi ii na ngelebu nahi fengɔ nunga lia na a mu bawo.”—Toobla ti Wiehindɛisia 4:12.

  • Pɛiŋ nunga ta ya wote a Jɛhova Jeliwuableisia, ta ti baptaisi lɔ Yesu biyei hu.—Matiu 28:18, 19.

  • Mua hɛ lɔ Yesu biyei hu.—Jɔn 15:16.

  • Mu langɔ kɛ Ngewɔ loko loonga Yesu ma kɔ i loo hinga gbi gulɔ.—I Kɔrintabla 11:3.

Nahu gbi, pii gboto a kɛ kɛ mu gba nasia ma ta tia yekpe loi a Klistimableisia. Tɔmasei mia a ji, mu langɔ la kɛ Baibui ndeilɔ yɛɛ Ngewɔ loi mia a Yesu, kɛ mui laila kɛ numu sawa mia Ngewɔ yia hu. (Maak 12:29) Tao mui laila kɛ haka lɔ mu hu na ɛɛ haa ta toi ngafei, hinda gbi Baibui hu a nde kɛ Ngewɔ a nunga mɔnɛ lɔ ngɔmbui hu kunafɔ va, ɔɔ kɛ nasia ta loo sɔsi hindei kulɔ kungɔ ti biyɛ wawa majɔɔ kɔ ti tiakpe lɛ ti mbaangɔ mahu.—Ɛkkliisiastiis 9:5; Ɛsiikiɛl 18:4; Matiu 23:8-10.