Li mia haiŋ kpɛlɛ na

Jɛhova Jeliwuablesia

Kɛnyɛyei wumbu Mɛnde

Jiɔnbla Mia a Jehova Jeliwuableisia?

Jiɔnbla Mia a Jehova Jeliwuableisia?

Ɔ-ɔ, jiɔnbla ya aa tie. Jɛhova Jeliwuableisia Klistimabla mia a tie nahi ti langoi a na Baibu hu. Sia bɛ ngewɔvei gbambi lɛnga ta nde tɛ Juubla ti lɛtee le Palɛstin lɔlei hu i yɛni a kulɔma yɛpɛ lɔ na Baibu hu, Jɛhova Jeliwuableisia mu lani a na. Ti lani kɛ Guamɛdi hindei ji Baibui kulɔma yɛpɛ lɛ lɔ kɔlongɔ ma. Tɔnya va, Baibui ɛɛ nuuvu guamɛdi yia yalɛ ɔɔ i kenyɛwui yia ɔɔ nunga lɛnga yalɛ i lei nunga yepekeisia ma. Watchtower, ta mia magaji le Jɛhova Jeliwuableisia va, i ndenga gboleiŋ yɛɛ: “Njɛpe gbi Baibui hu na a lo Jiɔn guamɛdi hindei woma.”

Encyclopedia Britannica yɛpɛ lɔ kɔlongɔ Jiɔn hindei ma yɛɛ “Juubla ti guamɛdi hindei na na kɔ ti ti nda lɔlei gbatɛ Palɛstin lɔlei hu.” Ngewɔvei kɛ Guamɛdi hindei mia hindei ji woma. Jɛhova Jeliwuableisia tɛ Jiɔn hindei yalɛ kɛɛ ngewɔvei hinda mia, tao ti loko gbi Jiɔn guamɛdi hindei hu.

Jɛhova Jeliwuableisia ti hugbatei i na ngewɔvei lee va lɔ tao tɛ guamɛdi gbi yalɛ, i gbɛɛ Jiɔn hindei ma. Jɛhova Jeliwuableisia ti loko gbi guamɛdi hinda hu na taa nunga ti kɔɔ lɔ saiŋ, ndɔɛ lɛnga hu pɛiŋ seliwuableisia ti lumanga kɔ ti ti yamɔnɛ wa kɔ lee taa loko wili guamɛdi hinda hu. Mu langɔ la kɛɛ Ngewɔ Mahayei na ngelegohu yakpe mia a wa a ndilɛli ndunyi ji hu; nuuvu guamɛdi gbi naa ɔɔ hugbatei na a gu i ji wue.

Jɛhova Jeliwuableisia hindei yia ti langoi la vui ta mia, i ngɛ bɛ mia ti na,ta saweisia hou lɔ guamɛdi a fe ti wue. Tɛ fayai a gaumɛdi mahugbebla ɔɔ ti wili ndapi gɔlei hu.