Nunga gbotoma tɛ ina Klistimamui mia a bie kungɔ bi klɔsi yayenge. Sia bɛ Klistimableisia mia Jɛhova Jeliwuableisia, muɛ klɔsi yayenge Ngewɔ vɛi va. Gbɛva le?

Haala Baibui ndeilɔ yɛɛ Yesu ii haani klɔsi ma i haani ngui ma lɔ. Tao, Baibui ndahin ve lɔ Klistimableisia wɛ yɛɛ “a wila hɛhani vɛlilɛi ma,” na kɛ ma lɔ kɛ ii gui mu klɔsi yayenge Ngewɔ vɛi va.—I Kɔrintabla 10:14; I Jɔn 5:21.

I gbɛɛ na ma, Yesu ndeilɔ yɛɛ: “Pelei ji hu lɔ numui kpɛlɛ ta kɔɔ kɛ nya womablɛisia lɔ a wue, ina wu longɔ a wu nyɔunyɔu.” (Jɔn 13:34, 35) Yesu ndeilɔ yɛɛ ndomi gɛlei—ta mia a kɛ kɛ tɔnya Klistimableisia mia a mue, ii yɛ ma klɔsi yayengelei.