Li mia haiŋ kpɛlɛ na

Jɛhova Jeliwuablesia

Kɛnyɛyei wumbu Mɛnde

Kɔtibla Mia A Jɛhova Jeliwuableisia?

Kɔtibla Mia A Jɛhova Jeliwuableisia?

Ɔ-ɔ, kɔtibla yaa a Jɛhova Jeliwuableisia. Kɛɛ, mu yɛni a Klistimablei nasia lɔ mua wolo Yesu gaa ma tao mu jia a tɔmasei na i kɛni a mue.

Gbɛ mia kɔti le?

Nunga gbotoma ti giiye kɔlongɔ njɛpei ji ma “kɔti” i gba. Kɛɛ, mu yɛpɛ kɔlongɔ kiiya fele ma kɔlongɔ njɛpei ji ma kɔti tao gbɛva mia ii bɛni mu ma.

  • Nunga lɛnga tɛ kɔti Ngewɔvɛi gbambi nina mia. Jɛhova Jeliwuableisia tii Ngewɔvɛi gbambi nina lawoni. Kɛɛ, mua too kaa nasia ma lɔ haala Klistimableisia ti yɛ a pie, nahi ti lɔmasei kɛ ti gaa nyɛingɔ Baibui hu. (II Timɔti 3:16, 17) Mu langɔ la kɛ Baibui mia lee a gu i pii ye lɔngangoi gɛ a mue mua Ngewɔ vɛi laa.

  • Nunga lɛnga ti giingɔ la kɛ kɔti Ngewɔvɛi gbambi nyamu mia nahi nuuvui ye mahumui le. Jɛhova Jeliwuableisia tɛɛ liiloo nuuvui ma kɔ i wote a ti mahumui. Kɛɛ, mua too njie na lɔ woma Yesu kɛni a ngi womableisia ji i ndeni yɛɛ: “Yila lɔ na wu lemɔi le, Kristi vuli.”Matiu 23:10.

Jɛhova Jeliwuableisia ti Ngewɔvɛi gbambi a nunga gboto nafa lɔ ta wolo ti ma kɛ nasia ti gbɛɛnga ti ma, mui yɛni a kɔti nyamu. Tɔmasei mia a ji, Ngewɔ layei na mua nde i gbɔnga nunga gbotoma kɔ ti gbe a hinda nyamui wue la, sia nyikɔ hale nyamu wumbulei kɛ ndɔ gbɔlei. i yama gbɔma, mua nunga gboto gaa lɔ ndunyi hu kpɛlɛ kɔ ti kɔlei gaa tao ti kɔlei nyɛin. Tao mua gbɔ gbɔma nungei nasia ma kpundei a ti mɛi. Mua lapi kɔ mu hinda yekpe wue a nunga sia lee Yesu yɛ ndeni la ngi womableisia ma yɛ ti pie.Matiu 5:13-16.