Li mia haiŋ kpɛlɛ na

Jɛhova Jeliwuablesia

Kɛnyɛyei wumbu Mɛnde

Jɛhova Jeliwuableisia Ti Langɔ La Kɛ Jii Weita Mia Ngewɔ Wumbuni Ndunyi Gbatɛ va?

Jɛhova Jeliwuableisia Ti Langɔ La Kɛ Jii Weita Mia Ngewɔ Wumbuni Ndunyi Gbatɛ va?

Ɔ-ɔ. Jɛhova Jeliwuableisia ti langɔ la kɛ Ngewɔ mia haiŋ kpɛlɛ gbatɛni. Kɛɛ mui laila la kɛ jii weita mia Ngewɔ wumbuni ndunyi gbatɛ va. Gbɛva le? Gbɛva see hia yana Baibui a nde kulobɛ va. Tɔmasei fele a hugɛ panda a mue:

  1. Jii weita mia Ngewɔ wumbuni ndunyi gbatɛ va. Nasia ti langɔ la kɛ jii weita mia Ngewɔ wumbuni ndunyi gbatɛ va, ta gii lɔ la kɛ hawa 24 jii yia hu mia i yɛ a yenge. kɛɛ “jii yia” Baibui hu teengɔ wati na ma mu gii ma la.Jɛnɛsis 2:4; Saam 90:4.

  2. Wati na ndunyi ji wumbunga. Nasia ti langɔ la kɛ jii weita mia Ngewɔ wumbuni ndunyi gbatɛ va, tɛɛ ndunyi ji mu hu taosi lɛnga mia lee i wumbunga. Kɛɛ Baibui ndeilɔ yɛɛ, ndunyi ji yɛɛ na pɛiŋ Ngewɔ a yaa tato a haiŋsia la hu. (Jɛnɛsis 1:1) Na va mia Jɛhova Jeliwuableisia tɛ mawai hou saiyɛsibla ma jiti ndeni kɛ ndunyi i biliɔn gboto wumbunga.

Sia bɛ Jɛhova Jeliwuableisia ti langɔ la kɛ Ngewɔ mia haiŋ kpɛlɛ gbatɛni, muɛ yɛpɛ nyamungɔ kolongɔ sainyɛisi ma kɛ mu langɔ la kɛ sainyɛisi ye lɔngangoi kɛ Baibui yiakpe mia.