Li mia haiŋ kpɛlɛ na

Jɛhova Jeliwuablesia

Kɛnyɛyei wumbu Mɛnde

Gbɛva Mia Jɛhova Jeliwuabla Tɛɛ Ti Yewɔ Vɛimi Loli a Sɔsi?

Gbɛva Mia Jɛhova Jeliwuabla Tɛɛ Ti Yewɔ Vɛimi Loli a Sɔsi?

Baibui hu, njiei ji “sɔsi” ti kpuani Gliiki yei hu lɔ. A yɛpɛ nungei nasia lɔ ma ta gomɛ hinda yia Ngewɔ vɛi va, pɛɛ na ta gomɛ bu ta ii le.

Tɔmasei wumbu ji ma: Ji toomui pɔɔl kɔlei nyɛini Klistimablei nasia gama ti yɛ Lom, I fama wowi yoyoilɔ heinyɔyabla yia gama ta ti loli a Akuila tia Pisila kɛ i ndenga gbɔma yɛ: “Nga va (sɔsi) na ma i ti yepɛlɛi bu.” (Romablɛisia 16:5) Pɔɔl ii ngowiyei na yoyoni pɛlɛ gama. i joyoni nunga lɔ gama—jamaa na yɛ a gomɛ pɛɛ na bu. *

Na va mia miando mua gomɛ na muɛ na loli a sɔsi, mua na loli lɔ muɛ “Mahaya Wɛɛ.”

Kɛ Gbɛva mia mua na loli “Jɛhova Jelewuableisia ti Mahaya wɛɛ”?

Sabu lɛnga va mia kungɔ mu na loli hi:

  • Na mia mua gomɛ na.

  • Mua gomɛ na Jɛhova lɔ vɛi va, Ngewɔ na Baibui nyɛni, tao kɔ mu seliwua, kɔlongɔ ngi ma.Saam 83:18; Aisaia 43:12.

  • Na mia gbɔma mua gomɛ na kɔ mu kaa wue kɔlongɔ Ngewɔ Mahayei ma, Nahi Yesu yɛ a yɛpɛ kɔlongɔ wati lɛnga.Matiu 6:9, 10; 24:14; Luuk 4:43.

A nyande lɔ bi li bi fo Mahaya Wɛɛ na la bi gblanga bi tɔ biakpe va sia Jɛhova Jeliwuableisia ta ti gomisia hou la.