Li mia haiŋ kpɛlɛ na

Jɛhova Jeliwuablesia

Kɛnyɛyei wumbu Mɛnde

Gbɛva Mia Jɛhova Jeliwuableisia Tɛɛ Li Kɔgɔ Ma?

Gbɛva Mia Jɛhova Jeliwuableisia Tɛɛ Li Kɔgɔ Ma?

Sabui jisia va mia Jɛhova Jeliwuableisia tɛɛ li kɔgɔ ma:

  1. Tu golongɔ Ngewɔ bu. Baibui ndeilɔ yɛ Ngewɔ luweisia ta ti “gɔbowɛisia lewendewelɔ ti ti wie a gbogbɛisia” tao tɛɛ ya “kɔgɔla gaa.”—Aisaia 2:4.

  2. Ti golongɔ Yesu wɛ. Yesu ndeilɔ toomui pita ma yɛɛ: “bi gɔbowei yaama yeetei hu; gbɛmaile nasia ta lapi a kɔbowei, kɔbowei lɔ a ti waa.” (Matiu 26:52 NY) Yesu layei kɛilɔ kɛ ii gui ngi womabla ti kɔ haka wumbu kɔgɔ va.

    Yesu gaalupusia ta wolo lɔ ngi layei ma ji i ndeni yɛ “Tii yɛni a ndunyɛi ndanga,” ina tii loko wilini ndunyama maha hindeisia hu. (Jɔn 17:16) Tɛɛ ganga kɔgɔbla ti wiehinda va tao tɛɛ wote a kɔgɔbla.

  3. Ti longɔ a nunga yekeisia. Yesu ndeilɔ ngi gaalupuisia ma yɛ a “lo a wu nyɔunyɔu.” (Jɔn 13:34, 35) Fale ta wote lɔ a ndeenga nahi ndunyi kpɛlɛ hu nahi numu gbi ɛɛ kɔ wɛɛ ngi mbaa ma.—I Jɔn 3:10-12.

  4. Tɔmasei va haala Klistimableisia ti kɛni. Buku yia na ta toi a Encyclopedia of Religion and War ndei lɔ yɛɛ: “Nasia ti yɛ a too Yesu woma haala tii loko wilini kɔ hinda gbi hu,” gbɛva see ti yɛ kɔɔ lɔ kɛ “ndomi yɛɛ Yesu lii hu nunga va kɛ njiei na i ndeni yɛ numu i lo a ngi juwuisia.” I baa na ma, Jamani gɔlɔ gɔɔmɔ yia ta ngi loi a Pita Mɛinho i ndi lɔ yɛ nasia ti yɛ a too Yesu woma haala ti tɔilɔ kɛ: “Klistimamui wotenga lee a sojei, Klistimamɔ yana naa a ngie.”

Nunga ti ma gbii gbua va

Jɛhova Jeliwuableisia ti bɛngɔ nunga lia tao tɛɛ hinda nyamu gbi wue a numu. Mu bagɔɔ lɔ ndɔɔmamakumi ma, njiei nasia va Baibui ndeni:

  • “Numui gbi i golo mahubla yembawaisia wɛ.”—Romablɛisia 13:1.

  • “A gama hɔ Siisa ma na Siisa ngi wo le; kɛ a gama Ngewɔ ma na Ngewɔ ngi wo le.”—Matiu 22:21.

Fale, mua golo lɔ sawei bu, mua taksi gula lɔ tao mua na wue lɔ guamɛdi a nde mu ma numui gbi nafaya va.