Li mia haiŋ kpɛlɛ na

Jɛhova Jeliwuablesia

Kɛnyɛyei wumbu Mɛnde

Gbɛva Mia Jɛhova Jeliwuableisia Tɛ Kesimasi Maga?

Gbɛva Mia Jɛhova Jeliwuableisia Tɛ Kesimasi Maga?

Hindei nasia a nunga hugiti

Ndɛɛ Yepeisia: Jɛhova Jeliwuableisia tɛ Kesimasi maga jifa tii lani a Yesu.

Tɔnyi: Klistimableisia mia a mue. Mu langɔ la kɛ Yesu huwue mia mua bawo.—Toobla ti Wiehindɛisia 4:12.

Ndɛɛ Yepeisia: Ta bondeisia hu vaya lɔ ji ta nde ti ma kɔ ta Kesimasi maga.

Tɔnyi: Mu gbeengoi bondeisia va a mu lii kpɛlɛ, tao mua Baibui yayenge lɔ gbɔva ti ma kɔ ti lɛ gulɔma a ndomi gɛ la.

Ndɛɛ Yepeisia: Ta gbla “Kesimasi nɛɛmi ma” ji nunga ta ti nyɔunyɔu gɔ, gohunɛ na ma ta yɛ ma, kɛ kpekpeya wue la nunga gama.

Tɔnyi: Mua lapi kɔ mu kpekpeya wue, tao mu gohunɛ nunga ma fo gbi. (Saleisia 11:25; Romablɛisia 12:18) Tɔmasei mia a ji, pii na mua muɛyekpe hou la, mu gomisia kɛ Ngewɔ laya le yingi a kɛ lɔ kɛ mua na wuema Yesu ndeni mu ma yɛɛ: “Wu sɔilɔ gbama a, fe gbama.” (Matiu 10:8) i baa na ma, mua mu nɛmahu wu Ngewɔ Mahayei lɔ gama kɛ ta mia a wa a ndilɛli kɛ gohunɛ ndunyi ji mahu.—Matiu 10:7.

Gbɛva mia Jɛhova Jeliwuableisia tɛ Kesimasi maga?

  • Yesu ndeilɔ yɛɛ mu gili a ngi haalei, ii yɛ ma ngi le vuli.—Luuk 22:19, 20.

  • Yesu womableisia kɛ toopomableisia tii yɛ a Kesimasi maga. Bukui na ta toi a The New Catholic Encyclopedia nde lɔ yɛɛ “ti tatoilɔ a nunga ti le vuli hou la 243 [C.E.],” fo gboto leengɔ woma ji Yesu womabla ye kɛlɛmayi haani ta mia ji kpɛlɛ latoni.

  • Hinda gbi ii na a nde kɛ ti Yesu leni Pundui hu lɔ; tii ngi le vuli nyɛini Baibui hu.

  • Mu langɔ la kɛ Kesimasi maga le ii nyande Ngewɔ yama gbɛva see i gbuani ndɛɛ yewɔi vɛi gbambi ma lɔ.—II Kɔrintabla 6:17.

Gbɔɔ nyamungɔ Kesimasi ma?

Sia bɛ Kesimasi gbuani ndɛɛ yewɔi vɛi gbambi ma lɔ tao Baibui ii yɛpɛni kɔlongɔ ma, nunga ta maga lɔ tuŋ. Ye nungei jisia ta mɔli waa lɔ sia nyikɔ: Gbɛva mia wa loko gbua Kesimasi magalei ma, sia bɛ nunga kpɛlɛ ta pie? Gbɔɔ nyamungɔ Kesimasi ma?

Baibui ndeilɔ yɛɛ mu gii mua yekpe va, yɛ mu mu “nɛmahui yayenge panda.” (Romablɛisia 12:1, 2 NW) A mu gaa lɔ kɛ kungɔ mu tɔnyi hou a loko fele. (Jɔn 4:23, 24) Fale ii gui mu ya gii a pii na nunga ta mu lɔ la, na le mu kɔɔngɔ mua na wuema nyɛingɔ Baibui hu.

Sia muɛ Kesimasi maga, mua bagɔɔ lɔ na gbi ma numu a lo i pie hindei ji bonda hu. Muɛ nunga ti Kesimasi maga le hu nyani.