Li mia haiŋ kpɛlɛ na

Jɛhova Jeliwuablesia

Kɛnyɛyei wumbu Mɛnde

Jɛhova Jeliwuableisia Ti Longɔ Ti Bawo Na Va Mia Ta Li Nunga Ti Wɛɛsia La Ngewɔ Layei Le Va?

Jɛhova Jeliwuableisia Ti Longɔ Ti Bawo Na Va Mia Ta Li Nunga Ti Wɛɛsia La Ngewɔ Layei Le Va?

Ɔ-ɔ. Tɔnyi mia kɛ mua li lɔ nunga ti wɛɛsia la fo gbi Ngewɔ layei le va, kɛɛ mui laila kɛ ta mia a mu bawo. (Ɛfɛsubla 2:8) Gbɛva le?

Gii lɛ a tɔmasei ji: Ina Kena yia nahi ngi gbekpengɔ wa ndeilɔ nuu kpɛlɛ ma yɛ a mboya haiŋ baagbangɔ wa ve lɔ ti wɛ ina ti li lɔ hinda yia a wati na i kɛni a tie. Ina bi lailɔ a na kini na ndeni, ba li lɔ mia i ndeni yɛ bi li na? Ɔɔ! Tao ba nde lɔ bi ndiamuisia ma kɛ bi bondeisia kɔlongɔ hindei ji ma, kɔ tia bɛ ti gu mboya haiŋ ji ma. Kɛɛ a wue lɔ gbɔma kɛ, ba li lɔ ye hindei na a ye wati i kɛni. Kɛɛ ɛɛ gɛ kɛ ba gu lɔ ye mboya haiŋ na ma. Kɛɛ nahu gbi mboya haiŋ mia tuŋ.

Himia Jɛhova Jeliwuableisia bɛ ti langɔ a lahedi na Ngewɔ wumbuni kɛ a kunafɔ lɛvui ve lɔ nasia wɛ ta golo ngi bu. (Romablɛisia 6:23) Mua lapi lɔ a mu lanayei hugɛ la a nunga, kɔ tia bɛ ti nafa jɔɔ lahedi na ma Ngewɔ wumbuni. Kɛɛ mui laila kɛ ji mua li Ngewɔ laya lemi ta mia a mu bawo. (Romablɛisia 1:17; 3:28) Kɛɛ, kungɔ mu bagɔɔ lubei na ma a gbuama Ngewɔ gama. “I mu bawoilɔ. Ii wieni bɛɛ hinda yekpenga gbi va mia mua yekpe mu pienga, kɛɛ jifa i manuni mu ma famia i mu bawoni.”—Taitɔs 3:5, Ngowili Yekpei Numu Kpɛlɛɛ Va.