Li mia haiŋ kpɛlɛ na

Jɛhova Jeliwuablesia

Kɛnyɛyei wumbu Mɛnde

Jɛhova Jeliwuableisia Tɛ yɛpɛ Nasia Gama Tia Tieni Ti Yɛ Ngewɔ Vɛi Gbambi Yia Ma?

Jɛhova Jeliwuableisia Tɛ yɛpɛ Nasia Gama Tia Tieni Ti Yɛ Ngewɔ Vɛi Gbambi Yia Ma?

Nasia Jɛhova Jeliwuableisia a tie kɛɛ tɛ yaa li Ngewɔ laya lemi, ɔɔ kɛnga tɛ ya gbɛɛ mu ma lee hi, muɛ yɛpɛ ti gama? Ɔ-ɔ mua yɛpɛ ti gama tao mua ti lii nɛpɔ lɔ kɔɔ ti gbɔma Ngewɔ gama.

Muɛ numu gbɛ lee hi jamaa hu jifa i hinda nyamu wuenga. Kɛ nahu gbi numui na i baptaisinga a lee a hinda nyamu wue ɛɛ woove ma gbi, ta ngi gbua jamaa hu tao muɛ yɛpɛ ngi gama. Baibui ndeilɔ yɛɛ: “A jumbumɔi gbua wu lia.”—I Kɔrintabla 5:13.

Kɛɛ a numui na ti ngi gbua jamaa hu kɛɛ ngi nyahin kɛɛ ngi leengeisia lɔ lɛ tuŋ Jɛhova vɛi ma? Pii na i yɛ a hei bonda Yewɔi vɛi va a woove lɔ, kɛɛ ngi nyahin kɛ ngi leenga mia tuŋ. Tao ti heinyɔyei ɛɛ vaya na va, ɛɛ gbe a ndomi gɛ la a tie tao a ti mahugbe lɔ sia lee i yɛ a pie la.

Tao numui na ti ngi gbua jamaa hu, ina ngi longɔ i ya li komi va a li lɔ. Tao ina i longɔ la jamaa gbakuisia ta yaa ndahinga ve ti wɛ a gbua Baibui Hu. Ji kpɛlɛ i naa gbɔva ye numui na ma kɔ i wote a Jɛhova Jeliwuamui gbɔma. Nasia ti yɛ ti gbua jamaa hu, ina ti woove lɔ ti wuehinda nyamuisia ma tao ti jia a na nyɛingɔ Baibui hu, ta wa ti gbɛɛ mu ma gbɔma.