Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISIMABLA TI HINDEISIA

Bi Mahugbe a Itanɛti Yayengelei

Bi Mahugbe a Itanɛti Yayengelei

NA VA MAGBEENGƆ: Sia lee ngenge haiŋ gbotoma ti gbekpemi lɔ na kɛ ti nyamumi, hi mia itanɛti bɛ na. Klisimabla lɛnga ti ti nɛmahu gbatɛnga kɔ taa WhatsApp ɔɔ Facebook yayenge, ɔɔ haiŋ yekanga itanɛti hu. Ye nasia lɔ na ta gayenge lɔ yɛpɛ va ti mabla gama kɛ ti ndiamuisia. Kɛɛ kungɔ mu nda nɛmahu kɛ Setana longɔ mu ye haiŋ jisia yayenge a pili na a wa a mbiyɛ nyani mu gama tao a ndiamɔyei na vawei mu luahu a Jɛhova. Ndahi yɛpei nasia ti Baibui hu, ta gbɔɔ mu ma kɔ mu gu mu kpundei lɔ kɛ mu wilanga ma, sia lee Yesu pieni la.—Luk 4:​4, 8, 12.

HINDEI NASIA KUNGƆ MU MU MAHUGBE LA:

  • Wati na mua mbumbu. Mu wati gboto wumbunga itanɛti yayenge va ɔɔ yɛpɛ va mu bonda gama kɛ mu ndiamuisia a itanɛti huwue, na a mu baa lɔ a wati na mua lo mu gayenge Ngewɔ hindeisia wue va

    Ndahi yɛpeisia Baibui hu: Ɛfɛ 5:​15, 16; Fil 1:​10

  • Na mua kpee. Mui mu mahugbeilɔ a pisoi nasia mua kpee, mua tato lɔ a nunga ti magbukangoi gbee la ɔɔ mua mu lukui wili lɔ manɔhɔ hindeisia hu. Mu yaa a haiŋ nasia gaa nasia ti woovenga tɔnyi ma ta pu itanɛti hu, na a mu lanayei vawei lɔ

    Ndahi yɛpeisia Baibui hu: Mat 5:​28; Fil 4:​8

  • Na mua nyɛin ɔɔ pisoi nasia mua pu na. Jifa mu lii a mu yandɛ, tɛnga lɔ na muɛ gii a na mua nde itanɛti hu ɔɔ a pisoi nasia mua pu na. Kɛɛ, kungɔ mu nda nɛmahu kɛ mu njɛpɛ nyamu nyɛinga ɔɔ mu bagbuama pisɔ wu na, a waa a mbiyɛ nyani tao a nunga yekeisia ti lanayei vawei lɔ

    Ndahi yɛpeisia Baibui hu: Rom 14:​13; Ɛfɛ 4:​29

A VIDUI JI GBEE, TEK TƐM WE YU DE YUZ SOSHIAL NƐTWƆK, NA WOMA WUA YƐPƐ LƆ KƆLONGƆ NA MA NUMU A PIE KƆ I SABAI HINDEI JISIA MA: