Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISIMABLA TI HINDEISIA

Ndebla, A Wu Lenga Gɔ a Sabu Yekpe kɔ Ti Kohunɛ Majɔɔ

Ndebla, A Wu Lenga Gɔ a Sabu Yekpe kɔ Ti Kohunɛ Majɔɔ

Ndeblei nasia Klisimableisia a tie, ta lo lɔ ti lenga ti Jɛhova vɛi a pɔna. Ndebla ta gu lɔ ti gbɔ ti lenga ma ti ji wue ina ti ti gaailɔ a hindei nasia ti Baibui hu a pili na a jaa a ti liisia i hinje ti gulongoi hu ma. (Dut 6:​7; Sal 22:​6) Ngenge wulo yana a na klobɛɛ va. Kɛɛ ti pienga, na a waa a kohunɛ wa ti gama.—III Jɔn 4.

Ndebla ta hinda gboto gaa lɔ Josɛfi ma tia Mɛɛli. “Ti yɛlɔ a li Jɛrusalɛm tewemahu gomɛi va foo gbi hu,” sia bɛ hinda wulo yana yɛla ti va. (Luk 2:​41) Ji kɛma lɔ vui kɛ Ngewɔ hindei mia yɛla haala hindei le ti lɛvui hu. Ha bɛ, ndebla ta gu lɔ ti gbɔ ti lenga ma ti lo a Ngewɔ hindei, ina ti lapilɔ ti ti gaa tao ti tɔmasei yekpe gɛ.—Sam 127:​3-5.

A VIDUI JI GBEE, DƐN YUZ ƆL DI CHANS WE DƐN GƐT, NA WOMA WUA MƆLI JISIA GBƐMBO LƆ:

  • Jɔn Shila tia ngi nyahin Sharɔn, ti ye Ngewɔ hindei yɛni a haala hindei bondei hu ji ti yɛ ti lenga makɛma?

  • Gbɛva mia kungɔ ndebla ti gii a pili na ta ndo gbi lee gaa la kɛ pili na ta ngi makɛ la?

  • Ndebla ta ye ti lenga magbatɛ kɔ ti gu ti loo kpauŋ kɔlɛya hindeisia hu?

  • Haiŋ nasia lia Jɛhova hugbatei kpatɛnga, ye gbɛnga mia bi gayengenga kɔ bi gbɔ bi lenga ma Ngewɔ hindei hu?

A pie Ngewɔ hindei i yɛ a haala hindei wu va bondei hu