Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISIMABLA TI HINDEISIA

Bi Langoi Vui a Lahedi Nasia Jɛhova Mbumbunga?

Bi Langoi Vui a Lahedi Nasia Jɛhova Mbumbunga?

Jɔsua tia Sɔlɔmɔn venjɔ kpɛlɛ ti kɛilɔ kɛ Jɛhova ɛɛ gbaha a na gbi wue la a nde. (Jɔs 23:14; I Ki 8:56) Na ti venjɔ ti ndeni kɔlongɔ Jɛhova ma, a mu lanayei gbaya lɔ.—II Kɔr 13:1; Tit 1:2.

Jɛhova ye na wueni i lahedi wumbuni pie va Jɔsua nda wati hu? Kɔnɛ wua bi bondeisia a vidui ji gbee Ngewɔ ‘Ii Ya Gbahani Hinda Yakpe Bɛ Ma.’ Na woma a yɛpɛ kɔlongɔ mɔli jisia ma: (1) Ba ye kɛ kɛ lanayei lɔ bi hu sia Lehab yɛ na? (Hib 11:31; Jms 2:24-26) (2) Na wueni a Ekan i ye kɛni kɛ ji numu a jumbu hinda wue a kɛwɛ, na a wa lɔ a kpundɛ wa? (3) Sia bɛ kɔgɔbla mia yɛla a Gibiɔbleisia, gbɛva mia ti ndei gulani Jɔsua wɛ kɔ tia tieni ti ngooyia gbatɛ? (4) Jɛhova layiei ye ndoni ma ji Amɔn maha lɔɔluisia ti yɛ loni kɔ ti gɔ a Isuɛbleisia? (Jɔs 10:5-14) (5) Gbɔɔ Jɛhova pienga bi va ji bi ngi Mahayei kɛ ngi wɔna hindei yeso loonga hindei gbi gulɔ bi lɛvui hu?—Mat 6:33.

Sia mua yɛ giima a hindei nasia Jɛhova pienga, na i piema, kɛ na i wa ma piema, hi mia mua la la a mu lii gbi kɛ a na gbi wue lɔ i lahedi wumbunga pie va kulɔma.—Rom 8:31, 32.

Bi lanayei gbayangɔ i hiti Jɔsua ndei hu?