Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISIMABLA TI HINDEISIA

Ngowi Yekpi Le a Kohunɛ

Ngowi Yekpi Le a Kohunɛ

Mu gbotoma wati lɛnga mu gahu a gbɔyɔ lɔ Ngewɔ layia lelei ma. Kɛɛ gbɔɔ a wa a na? Tɛnga lɔ na, ji a wue lɔ ji nunga tɛɛ luma ti wolo mu ma ɔɔ ji nduwei a yɛ mu hu yɛpɛ va nasia gama mui ti gɔɔ. A tɔnya, hindei jisia ta pie lɔ mu gohu ɛɛ ya nɛɛ Ngewɔ layiei le va. Kɛɛ Ngewɔ na mua ngi vɛi, i yɛni a kohunɛ Yewɔ lɔ tao ngi longɔ mu ngi vɛi a kohunɛ. (Sam 100:2; I Tim 1:11, NW) Sabu sawei ye gbɛva mia mahoungɔ mu gohu i nɛi Ngewɔ layiei le va?

Sabui ye haala yi yɛni a ji lɔ, ngowi yei na mua nde a nunga gɔ lɔ a liilooma. Sia bɛ liilooma yekpe ii nunga wɛ ha ndunyi hu, ta liilooma majɔɔ lɔ ji mua “ngowili yekpea” le ti ma “kɔloni hinda yekpe ma.” (Ais 52:7) Kɛɛ i baa na ma, ngowi yekpi kɔlongɔ Ngewɔ Mahayei ma, a mua bɛ gɔ lɔ a kohunɛ. Pɛiŋ mua ya li ngiti womi Ngewɔ layiei le va, a nyande lɔ mu hei mu gii a hinda yekpi nasia Ngewɔ Mahayei wama piema mu va ndunyi ji ma.

Ye fili mia a ji, ngowi yekpi ji mua nde a nunga nafa lɔ siahuna kɛ sina kulɔma. A gbɔɔ nunga ma kɔ ti gbe piehinda nyamuisia ma, kɔ ti gu ti kunafɔ lɛvui majɔɔ. (Ais 48:17, 18; Rom 1:16) Ngingi ji mu piema, piengoi lee sia ji na nunga ta yɛ kpundɛ hu, ba ti lɔ lɔ ti mabawo va. Sia bɛ nunga kpɛlɛ yana ta lo ti ma i bawo, mua lɛ lɔ gulɔma a nasia gokoi la ti longɔ ti ma i bawo.—Mat 10:11-14.

Sabui ye sawei mia ji, Ngewɔ layia lelei a wa lɔ a tato Jɛhova gama. I bagɔɔ lɔ ngingi ji ma mu piema huleengɔ gboŋ. (Ais 43:10; Hib 6:10) Tao a ngi bawo yafei ve lɔ mu wɛ kɔ mu gu mu ngi yingi wue. Fale, Jɛhova manɛnɛ kɔ i bi gɔ a kohunɛ, na yɛni a mbawo yafei wuluwei ye ngila. (Gal 5:22) Ngewɔ a gbɔɔ mu ma kɔ mu ngi layiei le a ndiiloo. (ToW 4:31) Na a pie lɔ mu Ngewɔ layiei le a kohunɛ, i gɛ bɛ kɛ nunga tii woloma mu ma.—ƐsK 3:3.

Pili ye gbɛ mia ba lo bi Ngewɔ layiei le la? Ba ye kɛ kɛ bi gohunɛingoi pie va?

A VIDUI JI GBEE, GƐT GLADI AT BAK BAY WE YU DE STƆDI ƐN TINK GUD WAN, NA WOMA A MƆLI JISIA GBƐMBO:

  • Gbɛva mia kungɔ mu Ngewɔ Layia gaalei wote a mu magbee, i gɛ bɛ kɛ mua Ngewɔ layiei lema hawa gboto va ngawu gbi?

  • Mua ye Meri lawokɔ?

  • Migbe mia ba hei kɔ bi gii a Ngewɔ Layiei?

  • Gbɔɔ a wa a kohunɛ bi gama ji ba yɛ Ngewɔ layiei lema?