Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISIMABLA TI HINDEISIA

Hindei Nasia Kungɔ Mu Yaa Pie Ji Mua Yɛ Ngewɔ Layiei Lema—Gbɔ Nasia Ma “Ti Mahoungɔ” Ti Wote a Toopomabla

Hindei Nasia Kungɔ Mu Yaa Pie Ji Mua Yɛ Ngewɔ Layiei Lema—Gbɔ Nasia Ma “Ti Mahoungɔ” Ti Wote a Toopomabla

SABUI NA VA MAHOUNGƆ MU JI WUE: Jɛhova mia a pie kɔ tɔnyi i nasia lii wumbu “ti mahoungɔ . . . kunafɔ lɛvui va.” (ToW 13:​48; I Kɔr 3:​7) Mua Jɛhova-ni mua yenge lɔ a ngooyia a ji mua mu nɛmahui wu nasia ma ta lo ti jia a na ti kaama. (I Kɔr 9:​26) Kungɔ Baibu gaalupuisia ti kɔɔ kɛ bapitaisi magbeengɔ wa le kɔ numu i mbawoya majɔɔ. (I Pit 3:​21) Mua gbɔɔ ti ma kɔ ti wote a toopomabla a ji mua ti gaa kɔ ti mawovenga wue ti lɛvui hu, ti gu ti Ngewɔ layiei le, ti nunga gaa, tao ti ti lɛvui ve Jɛhova wɛ.—Mat 28:​19, 20.

PILI NA MAHOUNGƆ MU PIE LA:

  • Yaa hitɛ bi Baibu gaalupuisia nɛmahu kɛ bi ti gaama lɔ kɔ ti gu ti Jɛhova gɔɔ tao ti ngi liima hinda wue.—Jɔn 17:​3

  • Kɔ ti lɛ gulɔma Ngewɔ hindei hu, gbɔ ti ma kɔ ti ti wuehinda nyamuisia mawove tao ti ndiamɔya yekpe gbatɛ

  • Yaa ti nɛpɔ kɔ ti loo kpauŋ pɛiŋ taa ya bapitaisi, kɛ ti bapitaisingoi woma.—ToW 14:​22

A VIDUI JI GBEE, JIOVA GƆD GO ƐP YU, NA WOMA WUA YƐPƐ LƆ KƆLONGƆ MƆLI JISIA MA:

  • Gbɛva mia nunga lɛnga ta luwa ti lɛvui ve va Ngewɔ wɛ kɛ bapitaisi va?

  • Jamaa gbakuisia ta ye gbɔ Baibu gaalupuisia ma kɔ ti lɛ gulɔma Ngewɔ hindei hu?

  • Gbɛ mia Aisaia 41:​10 mu gaani la kɔlongɔ Jɛhova ma?

  • Piehindei ye gbɛnga mia ta gbɔ mu ma kɔ mu Jɛhova gohunɛ, sia bɛ mu yakpuangɔ ii le?

Mua Jɛhova-ni mua ye yenge a ngooyia gbɔ va nunga ma kɔ ti wote a toopomabla?