Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISIMABLA TI HINDEISIA

Hindei Nasia Kungɔ Mu Yaa Pie Ji Mua Yɛ Ngewɔ Layiei Lema—Mu Yɛpɛ Numui Kpɛlɛ Gama Kakei Na Ma Mua Ngewɔ Layiei Le Na

Hindei Nasia Kungɔ Mu Yaa Pie Ji Mua Yɛ Ngewɔ Layiei Lema—Mu Yɛpɛ Numui Kpɛlɛ Gama Kakei Na Ma Mua Ngewɔ Layiei Le Na

SABUI NA VA MAHOUNGƆ MU JI WUE: Sɛkalaia kulɔma yiei leilɔ kɛ nunga kɛnyi kpɛlɛ hu ta gohunɛɛ lɔ ngowi yekpi ma. (Sɛk 8:​23) Yeni mia naa ta ye nungei jisia gaa? (Rom 10:​13-15) Ngewɔ sabu laa mu wɛ tao i ngenge venga mu wɛ kɔ mu ngowi yekpi le numui kpɛlɛ ma tao mu ti gaa.—od-E kɔl. 84, njw. 10-11.

PILI NA MAHOUNGƆ MU PIE LA:

  • Magbatei wue. Ba bɛ lɔ nunga ma nahi ta kɛnyɛyia yeka le? Ba JW Language app yayenge lɔ kɔ bi gaa a yɛpɛ la kulo ti gama. Ɔɔ ina fouŋ lɔ bi yeya na a li itanɛti hu, ba kɛ lɔ a ye numui sia a li la jw.org kɔ i hindanga gaa ngi nda gɛnyɛyiei hu

  • Nunga ti yabɛɛ. Bi yaa Ngewɔ layiei lema pɛɛsia la, a nyande lɔ bi yɛpɛ numui gbi gama, sia nyikɔ nasia na ta yɛ leema ɔɔ nasia ta yɛ heini mɔtui hu ta mawo. Ina bi Ngewɔ layiei lema fufui ya lɔ, bi nɛmahui i yɛ Ngewɔ layia lelei ma

  • Kɛ a madihou. Lapi kɔ bi li pɛɛ nasia la bii numu maini na. Lapi kɔ bi yɛpɛ numu gama pɛɛ la gbi lee, kɛnga ba li lɔ na a wati yeka ɔɔ a folo yekanga. Nunga lɛnga ba kɔlei nyɛin lɔ ti gama ɔɔ bi yɛpɛ ti gama fouŋ hu, ɔɔ ji ba yɛ Ngewɔ layiei lema pili ma

  • Yaa yamani wue. A nyande lɔ bi li fulo numui na gama a wolo panda bi ma Ngewɔ layia lemi. Ina wua ta wuɛ kɛnyɛyia yia le, numu gɔkoi na a gu i ngi gɛnyɛyiei le. Kungɔ bi yaa li ye numui na gama haŋ bi numu majɔɔ a ngi gɛnyɛyiei le.—od-E kɔl. 94, njw. 39-40

A VIDUI JI GBEE, DƐN DE ‘PRICH ƆLƆBƆT NA DI WƆL,’ NA WOMA A MƆLI JISIA GBƐMBO:

  • Hugbatei ye gbɛnga mia mu ndeengeisia ti pieni kɔ ti gu ti fo nungei nasia ma ti yɛ fula yia hu? (I Kɔr 9:​22, 23)

  • Hindei ye gbɛnga mia kinii ti leeni hu?

  • Nafei ye gbɛnga mia ti majɔɔni?

  • Gbɛnga mia kinii ma a hou bi pie kɔ bi gu bi ngowi yekpi le nunga gboto ma kakei na ma ba Ngewɔ layiei le na?