Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 NAFEI NASIA MUA GU MA NGEWƆ LAYEI HU

“Nya Mbei, . . . Nya Lo”

“Nya Mbei, . . . Nya Lo”

Kungɔ mu Aisaia lawokɔ a pili na i gohunɛini la Ngewɔ yingi wue va. I kɛilɔ kɛ lanayei yɛɛ ngi wɛ a ji i ta yekpe veni Ngewɔ yingi wue va, sia bɛ ii yɛ ngingi na gɔɔ Ngewɔ longɔ i ngi loo ma. (Ais 6:8) Ba gu lɔ bi bi mahindeisia hugbatɛ kɔ bi gu bi li mia ti gbeengɔ wa na Ngewɔ layia lebla va? (Sam 110:3) Kɛɛ pɛiŋ baa ya li, a nyande lɔ bi hei bi gii a hinda lɛnga. (Luk 14:27, 28) Na hu gbi, baa luwa a bia yekpe ve la li va mia ti gbeengɔ wa na Ngewɔ layia lebla va. (Mat 8:20; Mak 10:28-30) Sia kɛngɔ la vidui ji hu, Fɔ Go De na Ples Usay Dɛn Nid Mɔ Pipul dɛn fɔ Prich, nafei na mua majɔɔ Jɛhova yingi wue va, a yɛ leeni hindei gbi ma mua ndo woma ngi yingi wue va.

WU KPƆYƆNGA A VIDUI GBEE LA, A MƆLI JISIA GBƐMBO:

  • Gbɔɔ kini Wiliami tia ngi bonda ti ndoni woma kɔ ti gu ti li ti Ngewɔ layei le Ɛkuedɔ?

  • Hindei ye gbɛnga mia ti giini la pɛiŋ taa ya kitilee kɔlongɔ mia ma ta li na Ngewɔ layei le va?

  • Nafei ye gbɛnga mia ti majɔɔni?

  • Ba ye gu bi kɔɔ mia ti gbeengɔ wa na Ngewɔ layia lebla va?

WU YAA BONDA YEWƆVƐI WUEMA A WATI YEKA, A YƐPƐ KƆLONGƆ MƆLI JISIA MA:

  • Gbɔɔ mua pie kɔ mu gu mu lɛ gulɔma a Ngewɔ layia lelei bondei hu? (km-E 8/11 kɔl. 4-6)

  • Ina bɛ mui guni mua li mia ti gbeengɔ wa na Ngewɔ layia lebla va, kpɔmi ye gbɛnga mia mua pie jamaa na hu mu na? (w16.03-E kɔl. 23-25)