Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISIMABLA TI HINDEISIA

Na Mua Pie kɔ Mu Lo a Ngewɔ kɛ Mu Heinyɔisia

Na Mua Pie kɔ Mu Lo a Ngewɔ kɛ Mu Heinyɔisia

Sia bɛ Klisimableisia tii Mojisi jawei bu, sawa fili na Ngewɔ feni Mojisi wɛ na teengɔ sawei kpɛlɛ ma, na yɛni a ji mua lo a Ngewɔ kɛ mu heinyɔisia, a kɛ lɔ na Ngewɔ longɔ la mu va. (Mat 22:​37-39) Tii mu leni a ndomi ji bonda. Mua mia kungɔ mu lapi kɔ i yɛ mu hu. Mua ye na wue? Haala hindei mua pie ta mia a ji mua Baibui gaa folo gbi. Ji mua kaa wue kɔlongɔ piehinda yekpi nasia ma ti Ngewɔ hu a Baibui huwue, mua tɔɔ sia Jɛhova gbekpengɔ la. (Sam 27:​4) Na a pie lɔ ndomi na mu lii hu ngi va, i lɛ gulɔma tao mu giiyei i loo lengahu a ngi ndei. Tao na a pie lɔ mu Ngewɔ jaweisia hou, sia nyikɔ ji na mua lo a nunga yekeisia a mu lii gbi tao mua mua yekpe gbua ndɔgbɔ ti va. (Jɔn 13:​34, 35; I Jɔn 5:​3) Hinda sawei jisia ta kpɔma wue lɔ kɔ Baibu gaa wuelei ma i nɛi:

  • Gii a hindeisia tao bi nɛmahui yayenge. Gii lɛ la kɛ bia na. Gbɔɔ bi tɔni, bi humɛini, tao bi ku mɛini? Nasia ti hu, ti giiyei ye yɛ na?

  • Baa pie a pele yia lee. Pele lɛnga lɔ a ji: Kaa ngeleya, ɔɔ wolo ye lɛkɔdingoi ma ba kpee bi Baibui hu. Sia baa Baibu wuisia gaa hei heingɔ ma, kaa wue kɔlongɔ numu ma Baibui yɛpɛni kɔlongɔ ngi ma ɔɔ hinda ma Baibui hu. Tɔmasei gɛ va, Kaka 4 kɛ 16 yayenge bukui ji hu, Kpɔmi Ngewɔ Layei Gaa Va, kɔ bi kaa wue kɔlongɔ Yesu ma. Baibu wui na kpɛlɛ gaa ti Baibu yakei gbuani na fuli va. Baibu bukuisia gaa sia lee ti ti nyɛini la.

  • Hakei gaa ye mbui gɔɔ va. Ji ba ngu yakpe gaa fuli ma bi ye mbui gɔɔ, a yɛ gbekpeni i lee ji ma ba Baibu wui gaa kpoto folo ma kɔ lee bi humbu a kpɔyɔ a Baibui gaa la. Gii a pili na hindeisia ti yɛ na. Nɛmahu wua vui panda hindeisia bu. Mapisia yayenge kɛ Baibu yakei nasia ti nyɛingɔ kɔlɔ laa gbi lee ye ndiei, Baibui hu. Gɔfɛgbua wue kɔlongɔ hinda ma nahi bii ye mbui gɔɔni, i wue bɛ a yia. Ina ba gu lɔ, wati na bi mbumbuni Baibui gaa va, ye wati yakpi na wumbu kɔ bi gii a na ba kaa.