Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISIMABLA TI HINDEISIA

Pili na Mua Bukui Ji Yayenge La—Wolo Ngewɔ Ma

Pili na Mua Bukui Ji Yayenge La—Wolo Ngewɔ Ma

Bukui ji Wolo Ngewɔ Ma, ti kpatɛilɔ kɔ i gbɔ nunga ma ti tɔnyi lɛnga gɔɔ Baibui hu. I na vui nasia va lɔ tii kɔɔ gɔɔ. Kaasia lɔ pisoisia luahu ta gbɔ bi ma bi kɔɔ pisoi na ba yɛpɛ ma ji ba gbua ye na gama.

Pisoi nasia lee ti Wolo Ngewɔ ma kɔ Bi Kunafɔ Lɛvui Majɔɔ bukui hu, bonda mia Wolo Ngewɔ Ma bukui bɛ hu. Kɛɛ njieisia ti gbotongɔ kulo Wolo Ngewɔ ma kɔ Bi Kunafɔ Lɛvui Majɔɔ bukui hu, fale i na nasia va lɔ ti kɔɔ wulo gɔɔngɔ. Ina Baibu gaalupui ɛɛ gu aa kɔlɔ gaa, tɛnga Ngewɔ layia lebla ta Wolo Ngewɔ Ma bukui lɔ ve ngi wɛ kɛ tia ti Wolo Ngewɔ ma kɔ Bi Kunafɔ Lɛvui Majɔɔ bukui yayengenga. Bɔsisia lɔ kɔlɔ laa gbotoma ma, wua yɛpɛ lɔ kɔlongɔ ti ma sia lee kaalupui nɛmahui a yɛ na.

Mua bukui jisia venjɔ ve lɔ nunga wɛ a wati gbi i gɛ bɛ kɛ ta yana mua yɛ fema ngawui na hu. Bi yaa Baibu gaa wuema a numu, pisoisia yayenge bi hugɛ a ngie sia hindeisia ti ye wueni la. Ngi mɔli kɔ ta bɛ i gu i yɛpɛ tao kɔ bi kɔɔ ina i hindei na yatɔilɔ bi ngi gaani la. A Baibu yakei nasia gaa ti kɔlɔ laasia mabui, wu yɛpɛ kɔlongɔ ti ma. Wu kpɔyɔnga a kaa la, wua Gbɔɔ Vui Baibui Ndeni? ɔɔ What Can the Bible Teach Us? bukui lɔ gaa, kɔ i gbɔ Baibu gaalupui ma i lɛ gulɔma Ngewɔ hindei hu tao i bapitaisi.