Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISTIMABLA TI HINDEISIA

Ngumawo haiŋ mia pieni kɔ hinje haa hu i yɛ na

Ngumawo haiŋ mia pieni kɔ hinje haa hu i yɛ na

Kiiya Gomi a pie lɔ mu hei mu gii a nafei nasia mu wama majɔɔ ma sina kulɔma a ngumawo haiŋ huwue, sia nyikɔ hinje kamba hui na. Jɛhova ii yɛ loni nunga ti haa. Na va mia pɛiŋ hindei na a mu lii nyani wa, ta mia ji mu mamui a haa. (I Kɔr 15:26) Yesu lii nyanilɔ wa ji ngi gaalupuisia ti yɛ a Lajalɔs wɔɔwo. (Jɔn 11:33-35) Yesu mia vui ngi kɛkɛ wuehindei wumbuni, fale pii na i yɛ a hei lɔ la i kɛilɔ kɛ Jɛhova lii a nyani lɔ ji a tɔ mua mu mamui wɔɔwo ji a haa. (Jɔn 14:7) Jɛhova lɔ kulɔgbe wuema wati na va a ngi magbeegbuabla wu hei hu, a nyande lɔ mua bɛ mu kulɔgbe wue na va.—Joob 14:14, 15.

Jɛhova yɛni a numui na lɔ nahi ngi longɔ hindeisia kpɛlɛ ti yɛ laani pele ma, fale mu langɔ kɛ hinje kamba hu a wue lɔ a pili na nahi fawei gbi ɛɛ yɛ na (I Kɔr 14:33, 40) A wati na, muɛ yaa haa hinda humɛi. Mua gohunɛ lɔ nasia ma ta hinje hei hu. Ba hei lɔ bi gii a hinje kamba hu, kakaye ji ba yɛ bi mamui wɔɔwo ma? (II Kɔr 4:17, 18) Ba sɛigbua lɔ Jɛhova ma ji i ngumawo haiŋ veni, tao ji i nyɛini ngi layei hu kɛ haabla ta yama lɔ gbɔma ndɛvui hu?—Kɔl 3:15.

  • Bi ndiamuisia kɛ bi mabla ye gbɛnga mia vui ba lo bi ti lɔ gbɔma?

  • Nungei nasia ti yɛ na Baibu wati hu ye gbɛnga mia vui ba lo bi ti lɔ tao bi yɛpɛ ti gama?