Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 NAFEI NASIA MUA GU MA NGEWƆ LAYEI HU | JOOB 1-5

Joob Wɔnailɔ a Ngewɔ Sia Bɛ Hugɔ Hindeisia Ti Yɛ a Ngi Mai

Joob Wɔnailɔ a Ngewɔ Sia Bɛ Hugɔ Hindeisia Ti Yɛ a Ngi Mai

Joob yɛ Ɔs lɔ a wati na Isuɛlbleisia ti yɛ nduwɔyei hu Iijipt. Sia bɛ Isuɛlmɔ yana yɛla a ngie, Joob wɔnailɔ a Jɛhova. Ndenga gboto ti yɛɛ ngi yeya, tao kpatɛmɔ mia wɔɔ a ngie tao baagɔma yɛɛ ngi ma kakei na ma i yɛ na. Nunga ti baagɔilɔ ngi ma ndahi nasia va i yɛ a fe, tao i yɛ a nunga gbɛmbo a pɔna huwue lɔ. Ngi gbekpengɔ yɛla nyanibla gama kɛ nasia ti vɛlingɔ. Joob wɔnailɔ lɔ a Ngewɔ sia bɛ hugɔ hindeisia ti yɛ a ngi mai.

Joob kɛilɔ kɛ Jɛhova mia haalamui le ngi lɛvui hu

1:8-11, 22; 2:2-5

  • Setana lii heilɔ pili na ma Joob yɛ a wɔna la a Ngewɔ sia bɛ hugɔ hindeisia ti yɛ a ngi mai. Ii mawali houni pii na ma Joob yɛ a golo la Jɛhova wɛ, kɛɛ i ndeilɔ yɛ sabu va mia Joob yɛ a wɔna a Jɛhova

  • Setana ndeilɔ yɛ jifa Jɛhova Joob lubanga na va mia a Ngi vɛi

  • Kɔ Jɛhova i kɛ kɛ tɔnya yana, I lumailɔ kɔ Setana i kpalɛ la pɔnamui na ma. Setana nimisa gboto wuilɔ Joob ma

  • Ji Joob ii gbuani Jɛhova woma, Setana ndeilɔ kɛ numu gbi ɛɛ Jɛhova vɛi gbama va

  • Joob ii jumbu hinda wueni ɔɔ ii ndeni kɛ Ngewɔ hinda nyamu wuenga