Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISIMABLA TI HINDEISIA

Makɛ Yekpe Gɛ ji Ba Li Nunga Ti Wɛɛsia La

Makɛ Yekpe Gɛ ji Ba Li Nunga Ti Wɛɛsia La

Ndunya kpɛlɛ ti yami lɔ Klisimableisia ma. (I Kɔr 4:​9) Fale, ii guni i guala mu ma ina numu yɛɛ looni ngi ye pɛɛbu a mu manɛɛ ɔɔ a wolo mu ma. Ndɔɛ lɛnga hu, kamɛlei a yɛɛ nunga ti wɛɛsia la kɛ haiŋ na a numu wui lɛkɔdi. Na a pie lɔ ti bi lɔ ji ba yɛ looni ti wɛlei lama, ti wolo bi ma, ɔɔ ti bi wui lɛkɔdi. Mu yɛpɛ lɛ naa kɔlongɔ pele lɛnga ma mua makɛ yekpe gɛ la ji mua li nunga ti wɛɛsia la.—II Kɔr 6:​3.

BI WUEHINDEI (Fil 1:​27):

  • Kɛ kɛ bi bagɔɔ lɔ nunga ma a ji bɛɛ lo ngitiya ba ti manɛɛ ti ye pɛɛbu. Baa yɛ looni nunga ti wɛɛ la baa mɛhɛ mɛ, baa nja gbɔi, baa numu loi fouŋ hu, ɔɔ baa ngowi yoyo numu gama

BI LAYIEI (Ɛfɛ 4:​29):

  • Bi yaa numui ye pɛɛ la, baa njia gbi le nahi bii loni i humɛi. Mu ndeenga lɛnga lɔ na pɛiŋ, ji ta fo nunga ti wɛɛsia la ta gbe lɔ a yɛpɛ la kɔ ti gii a na ta lo ti yɛpɛ kɔlongɔ ma

Pili ye gbɛnga mia gbɔma ba makɛ yekpe gɛ la ji ba li nunga ti wɛɛsia la?