Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISIMABLA TI HINDEISIA

Hindei Nasia Kungɔ Mu Yaa Pie Ji Mua Yɛ Ngewɔ Layiei Lema—Yamani Wuelei

Hindei Nasia Kungɔ Mu Yaa Pie Ji Mua Yɛ Ngewɔ Layiei Lema—Yamani Wuelei

SABUI NA VA MAHOUNGƆ MU JI WUE: Nunga gbotoma ta wolo Mahaya wowoli yiei ma, ti longɔ ti tɔnyi gɔɔ kɔlongɔ Ngewɔ ma. (Ais 55:​6) Kɔ mu gu mu ti gaa, kɛlee mu yamani gboto wue. Numui gbi ngila ngila ma lɔ, fale pele yia huwue yana mua yɛ gbɔma la ti ma. Na hu gbi, mua gu lɔ mu gbɔ ti ma ina mu mu magbatɛilɔ panda tao ina ta mu nɛmahu kɔ mu Baibu gaa wue a tie wati gbi mu yaa yamani wuema.

PILI NA MAHOUNGƆ MU PIE LA:

  • Kɛ a bi magbee kɔ bi yama fulo ye numui gama, kɛnga jii fele, sawa gohu. —Mat 13:​19

  • Gahugbua ti ma tao bi bagɔɔ ti ma. Baa luwa yɛpɛ va

  • Bi fonga, fami wue a kahugbua. Ye numui biyei lagɛ. Hitɛ ngi nɛmahui na va bi yamanga, kɛnga ba nde lɔ bɛɛ bi yamaga lɔ—kɔ bi mɔli gbɛmbo, ɔɔ magaji ve ngi wɛ, ɔɔ bi haka gɛ a ngie mu wɛsaiti hu, ɔɔ bi vido gɛ a ngie, ɔɔ bi kɛ a ngie sia mua Baibu gaa wue la a nunga. Kɛɛ i waa a hinda yeka na ngi nɛmahu, a nyande lɔ wu yɛpɛ kɔlongɔ ma.—Fil 2:​4

  • Wati gbi bi yamama ngi gama, lapi kɔ bi njei vali tɔnyi na ma bi hinga ngi lii hu, a ji ba Baibu yaka yia gaa ngi gama ɔɔ bi yɛpɛ kɔlongɔ ma, kɛ ji ba buku ɔɔ kɔlɔ lo a ngie. (I Kɔr 3:​6) Lapi kɔ bi ndiamɔya gbatɛ a ngie

  • Hugbatɛ wue yama va gbɔma ngi gama