Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISTIMABLA TI HINDEISIA

Sia Mua What Can the Bible Teach Us? Bukui Yayenge La

Sia Mua What Can the Bible Teach Us? Bukui Yayenge La

Bukui ji Teach Us gbuangoi a Baibui Ndeni bukui. Ye ngenge haiŋ jisia venjɔ ta gbɔɔ mu ma mu nunga gaa a tɔnyi a pele yakpe huwue. Kɛɛ Teach Us bukui ta, tii njia wawanga yayengeni hu tao pili na ti hindeisia hugɛni la hu bɛbɛngɔ i lee Baibui Ndeni bukui ma. Ti kpatɛni nasia lɔ va kpaukpaungɔ klo ti va kɔ ti Baibui Ndeni bukui yatɔ. Ye bukui ji ta, kaa ye matui ɔɔ apɛndisi ii hu, kɛlɛma yɛpei ɔɔ ɛndnoti mia hu. Ye kɛlɛma yɛpei nasia ta yɛpɛ lɔ kɔlongɔ njia lɛnga ma kɛ hinda lɛnga ti ye nguisia hu. Mɔlinga tii ye nguisia ti latoma tao jia poma bɔksi ii na. Kɛɛ ngu gbi lee ye kɛlɛmi, ta jia lɔ tɔnyi nasia woma ti Baibui hu nahi ye ngui na yɛpɛni kɔlongɔ ma. Sia lee Baibui Ndeni bukui na, Teach Us bukui bɛ mua fe lɔ nunga wɛ a wati gbi, i gɛ bɛ kɛ ta yana mua yɛ fema ngawui na hu. Mua ye haiŋ nasia yayenge ti Teach Us bukui hu ji mua yɛ Baibu gaa wuema a nunga?

JIA POMI: Nunga gbotoma mua Baibu gaa wue a tie, mua njɛpɛ wumbumisia gaa lɔ Baibui Ndeni bukui hu kɛ mu mɔli wuanga. Kɛɛ ina ye Baibu gaalupui ɛɛ kɔɔ yekpe gaa, kɛnga wua ta wua jia pomisia yayenge lɔ ti Teach Us bukui hu Baibu gaa wue va kɛ bi ngi liinɛpɔnga kɔ i ye nguisia gaa a ngi wumaye. Kɛnga wua miniti 15 wumbu lɔ kɔ wu yɛpɛ tɔnyi ye ngla gbi lee ma. Sia jia pomisia tii yɛpɛni kɔlongɔ hindei nasia kpɛlɛ ma ti ye nguisia hu, kungɔ bi bi magbatɛ panda tao bi gii a pili na ba hindeisia hugɛ a bi gaalupui nahi a bɛbɛ ngi va ngatɔ va. Ina ye nguisia mia bi gayengeni kaa wue va, ba ye jia pomi yayenge lɔ jia va kaa woma.

KƐLƐMA YƐPEISIA: Ta yɛpɛ lɔ kɔlongɔ njia lɛnga ma kɛ hinda lɛnga ti ye nguisia hu. Numu bi longa wua yɛpɛ lɔ kɔlongɔ kɛlɛma yɛpei na ma Teach Us bukui hu a wati na wua yɛ kaa wuema.