Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISIMABLA TI HINDEISIA

“Na Ngewɔ I Toanga . . . ”

“Na Ngewɔ I Toanga . . . ”

Sawei nasia hu Ngewɔ feni a Mojisi huwue, i ndeilɔ hingei nasia ma ta lo ti gbele ti nyahanga ma kɔ ti kɔlɔ gbatɛ sawei gɔɔbu. Ji yɛɛ a kpɔma wue kɔ heinyɔyei hu aa vaya kaka. Kɛɛ, Yesu wati hu, ngewɔvɛi gbakuisia ti pieilɔ i bɛbɛ hinga va kɔ ti gbele ti nyahanga ma. Hinga ti yɛɛ a gbele ti nyahanga ma hinda gbi lee va. (“certificate of dismissal” kɔwukpua yɛpei Mak 10:​4 va nwtsty-E; “divorces his wife,” “commits adultery against her” kɔwukpua yɛpei Mak 10:​11 va nwtsty-E) Yesu hitɛilɔ nunga nɛmahu kɛ Jɛhova mia heinyɔyei gbɔkuni. (Mak 10:​2-12) Tao i kɛilɔ kɛ kungɔ hindui tia ngi nyahin ti yɛ a “nduwu yia” kunafɔ va. Na lee Baibui kɛni kɛ a pie kɔ hindui tia ngi nyahin ti vaya ta mia a ji numu yia a “puegbua.”—Mat 19:​9.

Nunga gbotoma ha, tii heinyɔyei wumbuni sia Yesu wumbuni la, ti giiyei looni lengahu a Falesisia ti ndei lɔ. Ndunyamabla gbotoma, fawei fawei yaa lee wama ti luahu kɛ ti vayanga. Tɔnya Klisimableisia tia, ti bagɔɔ lɔ kɛɛ na ma ti mbumbuni ji ti yɛ heinyɔyei wuema, fale ta lapi lɔ kɔ ti jia a ndahi nasia ti Baibui hu ti luahu hindeisia hugbatɛ va. Wu kpɔyɔnga a vidui ji gbee la, Lɔv ɛn Rɛspɛkt De Mek Famili Gɛt Wanwɔd, wua mɔli jisia gbɛmbo lɔ:

  • Ba ye jia a na nyɛingɔ Saleisia 15:​1 bi heinyɔyei hu? Gbɛva mia na magbeengɔ?

  • Bi jianga a na nyɛingɔ Saleisia 19:​11, na a ye pie fawei gbotoma i baa heinyɔyei hu?

  • Ina bi heinyɔyei longɔ i vaya, sia baa gii, ina kungɔ wua bi hini ɔɔ bi nyahin wu vaya, mɔli ye gbɛnga mia kungɔ bi bia yekpe mɔli la?

  • Bi jianga a na nyɛingɔ Matiu 7:​12, na a ye gbɔ bi ma bi wote a nyahajɔɔmɔ ɔɔ hinjɔɔmɔ yekpe?