Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISIMABLA TI HINDEISIA

A Gii a Lɔt Nyahin

A Gii a Lɔt Nyahin

Gbɛva mia Lɔt nyahin ngi woma gbeeni ji ti yɛ welama ta gbua Sɔdɔm? Baibui ii yɛpɛni kɔlongɔ na ma. (Jɛn 19:​17, 26) Na Yesu yɛ a yɛpɛ kɔlongɔ ma pɛiŋ aa ya ndahi ji ve gbɔilɔ mu ma mu kɔɔ kɛ ngi lii yɛ looni lɔɔ haiŋ nasia lɔ ma i ndoni woma. (Luk 17:​31, 32) Gbɔɔ mua pie kɔ mua baa a Ngewɔ ndiamɔyei sia i wueni la a Lɔt nyahin? Ii guni ndunyama hindeisia ti yɛ a haala hindei mu lɛvui hu. (Mat 6:​33) Yesu ndeilɔ kɛ muɛ “gu a Ngewɔ magbeegbuala kɛ kpatɛ nyamu hinda.” (Mat 6:​24) Kɛɛ ina mu liiheinga ma kɛ ndunyama hindeisia lɔ mu nɛmahui gbuama Ngewɔ hindei ma, gbɔɔ kungɔ mu pie? A nyande lɔ mu hɛ Jɛhova gama kɔ i gbɔ mu ma mu tɔ mawovi na kungɔ mu pie, tao kɔ i ye kpayei ve muɛ pie va.

GII A NA VIDUI JI HU, MƐMBA LƆT IN WƐF, BI MƆLI JISIA GBƐMBO:

  • Nga ye kɛ a pili na nga hindeisia wue la kɛ ‘nya giima a Lɔt nyahɛi’?

    Ji Gloria yɛ a lapi kɔ i gbatɛ, na ye ngi vaweini ngi giiyei hu, ngi layiei hu, kɛ pili na i yɛ a hindeisia wue la?

  • Gbɔɔ ha mua kaa na ma wueni a Lɔt nyahin?

  • Ji Jo tia ngi bonda ti yɛ a jia a ndahi nasia ti Baibui hu, na ye gbɔni ti ma?

  • Nasia Ana wilini ti hu ngengemi ti ye ngi vaweini Ngewɔ hindei hu?

  • Gbɛva mia kungɔ mu lii i gba ina tia gbɔndama mu ma kɔ mu navo hindei yɛ a haala hindei mu lɛvui hu?

  • Gbɔɔ Brayan tia Gloria ti pieni kɔ ti Ngewɔ hindei wote gbɔma a haala hindei ti lɛvui hu?

  • Ndahi yɛpei ye gbɛnga mia ti Baibui hu nahi ti yɛpɛni kɔlongɔ ma vidui na hu?