Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISIMABLA TI HINDEISIA

Yesu Haani Mu Kpɛlɛ va Lɔ

Yesu Haani Mu Kpɛlɛ va Lɔ

Yesu ngi lɛvui gbuailɔ a saa jumbubla va. (Rom 5:​8) A tɔnya, mu gbi mu gohunɛingoi ndomi na bonda va Yesu kɛni a mue. Kɛɛ, wati lɛnga mua lema lɔ kɛ mua yakpe va yana Klisi a haa, i haani mu kpɛlɛ va lɔ. Sia jumbubla mia a mu ndee Klisimabla sia lee mua bɛ na, mua ye kɛ kɛ mu longoi a tie sia lee Klisi loni la a mue? Mu yɛpɛ lɛ pele sawanga ma mua na wue la. Haala, i baa nasia ma mua tieni mu gbuani hinda yia mua ndiamɔyei gbatɛ lɔ gbɔma a nasia mua tieni mui gbuani hinda yia. (Rom 15:​7; II Kɔr 6:​12, 13) Ye fili, mua mu mahugbe lɔ kɔ mua njia gbi le ɔɔ hinda gbi wue na a gbalɛ mu ndeenga ma. (Rom 14:​13-15) Ye sawei, numu mu gbalɛma hinda wuenga, muɛ ngi hou gohu, kɛɛ mua manu lɔ ngi ma yakpe. (Luk 17:​3, 4; 23:​34) Mu lapinga gboŋ kɔ mu Yesu lawokɔ a pili ji huwue, Jɛhova a lɛ lɔ gulɔma a gbɔ la mu ma kɔ ndiilɛi i yɛ jamaa hu tao mu yɛ ngooyia hu.

A VIDUI JI GBEE, TRAY FƆ BI NAYS PƆSIN! NA WOMA WUA MƆLI JISIA GBƐMBO LƆ:

  • Ji Miki lini jamaa yeka hu a nina tia ngi ndeenga ti yɛ a lee haala?

  • Wati lɛnga leengɔ woma, pili ye gbɛ mia i yɛ a ti lɔ la?

  • Yesu lɔmasei ye gbɔni Miki ma kɔ i pili na mawove i yɛ a ngi ndeenga lɔ la? (Mak 14:​38)

  • Saleisia 19:​11 a ye gbɔ mu ma kɔ mua mu ndeenga mu lee panda?