Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISIMABLA TI HINDEISIA

Na Ba Pie kɔ Bi Gu Bi Ngewɔ Layiei Gɔɔ Vui Panda

Na Ba Pie kɔ Bi Gu Bi Ngewɔ Layiei Gɔɔ Vui Panda

Ba lo lɔ bi wɔna ji hindei ɛɛ bɛbɛ bi va sia Daniɛl pieni la? Daniɛl Ngewɔ layiei gaailɔ vui panda, i gbɛɛ kulɔma yieisia kpɛlɛ ma. (Dan 9:​2) Bi yaa Baibui gaama vui panda, na a gbɔɔ bi ma kɔ bi yaa pɔna hinda wue. Gbɛva mia mu na leni? Baibu gaa wuelei a gbɔɔ bi ma bi la la kɛ Jɛhova a hindei nasia kpɛlɛ wue lɔ i lahedi wumbunga pie va kulɔma. (Jɔs 23:​14) A gbɔɔ bi ma kɔ ndomi na bi lii hu Jɛhova va i yɛ kpau, tao na a pie lɔ bi hindei na wue toongɔ pele ma. (Sam 97:​10) Kɛɛ gbɔɔ a gbɔ bi ma kɔ bi tato a Baibui gaa la vui panda? Hindei jisia ti kakei ji bu ta gbɔɔ bi ma.

  • Gbɔɔ kungɔ ngi kaa? Hinda yia mua pie na a kɛ kɛ mua Baibui gaama vui panda ta mia a ji mua magbatei wue komisia va. Mua nafa lɔ Baibu gaa na hu mua pie wiki ma ina mu gɔfɛgbua wueilɔ kɔlongɔ hindei nasia ma mua kaa hu nahi kpaukpaungɔ mu va kɔ mu ye mbui gɔɔ. I baa na ma, nunga lɛnga ti ti nɛmahui gbatɛnga kaa wue va kɔlongɔ kulɔma yiei nasia ma ti Baibui hu, Ngewɔ bawo yafei ye nguluweisia, mia Pɔɔl lini na kinii ji i yɛ Ngewɔ layiei lema, ɔɔ Ngewɔ gbatɛ haisia. Ina mɔli gbi wailɔ bi nɛmahu folo ma kɔlongɔ Baibui ma, nyɛin, bi pote a hinda ba kaa wue kɔlongɔ ma wati yeka.

  • Mi mia nga gɔfɛgbua wue na? A vidui ji gbee, Tin dɛn fɔ Du Risach Kin Ɛp Wi Fɛn Jɛntri dɛn na di Baybul, a gbɔɔ bi ma kulo. Kɔ bi gaa, gɔfɛgbua wue kɔlongɔ mahayei nasia ma fula huaŋ nasia ti looni fa nyɛingɔ Daniɛl 7.

  • Miniti lolɛ ɔɔ hawa lolɛ mia kungɔ ngi mbumbu kaa wue va? Na a gbɔ bi ma bi gbaukpau Ngewɔ hindei hu, ta mia a ji ba Baibui gaa pɛpɛ. Kɛnga ba tato lɔ a gaa la wati hugutungɔ va, sia wati a yɛ lima, ba wati mato lɔ ba kaa wue fa. Baibu gaalei wuengoi lee sia ji na ba yɛ kɔtu bagbangɔ gɔkoima, sia lee ba yɛ tɔma, hi mia ba bi buyii kɔkoi va. (Sal 2:​3-6) Baibu gaa wuelei ye haami a tato lɔ a bi lɔ la, tao sia wati a yɛ lima, a wote lɔ a hinda nahi ba lo bi yaa pie a wati gbi.—I Pit 2:​2.

FULA HUIŊ NASIA TI DANIƐL NGU 7 TI LOONI MAHAYEI YE GBƐNGA LƆ VA?

MƆLI YEKEI:

Na nyɛingɔ Daniɛl 7:​8, 24, i ye wueni?

HINDEI NA BA KAA WUE KƆLONGƆ MA WATI YEKA:

Fula huiŋ nasia ti Hinda Gɛngɔ ngu 13, ti looni gbɔɔ va?