Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISIMABLA TI HINDEISIA

Kɔ Mu Gu Mu Nunga Wote a Toopomabla Kungɔ Mu Ngewɔ Layiei Le Ti ma tao Mu Ti Gaa

Kɔ Mu Gu Mu Nunga Wote a Toopomabla Kungɔ Mu Ngewɔ Layiei Le Ti ma tao Mu Ti Gaa

Yesu ndeilɔ ngi womabla ma kɔ ti li ti nunga wote a toopomabla. (Mat 28:​19) Kɔ ti ji wue, kungɔ ti Ngewɔ layiei le nunga ma tao ti ti gaa. Wati lɛnga, kungɔ mu mua yekpe mɔli, ‘Gbɔɔ nga pie kɔ vui ngi bɛɛ a ngingi ji wue la?’

NGEWƆ LAYIEI LE

Sia mua hei mu nunga mawo kɔ ti wa mu gama, kungɔ mu lapi gboŋ nunga “yekpe” gɔkoi va. (Mat 10:​11) Ji mua li Ngewɔ layia lemi, mua lapi kɔ mu sabui gbi yayenge yɛpɛ va “nunga wekanga” gama? (ToW 17:​17) Jifa toomui Pɔɔl sabui gbi yayengeni Ngewɔ layiei le va, na mia gbɔni Lidia ma kɔ i wote a toopomamui.—ToW 16:​13-15.

A ngendei bi mbahui wu baa loko gbua hu haŋ i too kpɔkoi ma (Ɛkk 11:​6)

A VIDUI JI GBEE KƆNTINYU FƆ PRICH ƐN “NƆ TAYA”—PRICH ƐNITƐM APAT FRƆM OS TO OS ƐN FRƆM OS TO OS, NA WOMA WUA YƐPƐ LƆ KƆLONGƆ MƆLI JISIA MA:

  • Sia bɛ Samuɛl yɛ a ngi magbeenga gbua folo gbi, gbɔɔ i yɛ a pie na a kɛ kɛ i yɛɛ a sabui gbi yayenge a majɔɔ ngowi yiei le va?

  • Gbɛva mia kungɔ mu kɛ a mu magbee Ngewɔ layiei le va a pele gbi lee?

  • Ye mia ba gu bi Ngewɔ layiei le ngi ma sia ba yɛ bi magbeenga gbuama?

NUNGA GAA

Kɔ mu nunga wote a toopomabla, ii guni mu kɔleisia ve lee ti wɛ kɛ mu lemanga ti hinda ma. Kɔ ti lɛ gulɔma a gbaukpau la Ngewɔ hindei hu, kungɔ mu yama ti gama tao mu Baibu gaa wue a tie. (I Kɔr 3:​6-9) Kɛɛ ina mu lapilɔ gboŋ kɔ mu numui gaa, kɛɛ hinda yekpe gbi ii gbuani hu, gbɔɔ mua pie? (Mat 13:​19-22) Kungɔ tuŋ mu lɛ gulɔma a nasia gɔkoi la ti liisia wuengɔ sia “ndɔlɔ yekpei” na.—Mat 13:​23; ToW 13:​48.

“Nya, ngi hiinga, Apɔlɔs, i nja valia ma; kɛ Ngewɔ lɔ i pieni i lola” (I Kɔr 3:​6)

A VIDUI JI GBEE KƆNTINYU FƆ PRICH ƐN “NƆ TAYA”—USAY PIPUL DƐN BƆKU ƐN MEK PIPUL DƐN BI MI LANIN BƆY DƐN, NA WOMA WUA YƐPƐ LƆ KƆLONGƆ MƆLI JISIA MA:

  • Sɔlɔmɔn tia Mɛli ti ye njei valini tɔnyi na ma ti yɛ hinga Ɛsikiɛl tia Abigiɛl lii hu?

  • Gbɔɔ kungɔ i yɛ mu magaa hu pie va sia mua yɛ Ngewɔ layiei lema, i gɛ bɛ kɛ mu ndema fofo ya lɔ?

  • Mua ye mu nɛmahu wu vui nunga gaalei ma a tɔnyi?