Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISIMABLA TI HINDEISIA

Gohunɛ Ti Ma

Gohunɛ Ti Ma

Yeni ma? Numui gbi lee a wa mu gomisia hu—nasia ta wa a nina ɔɔ nasia ti lɛmbinga wama mu gomisia hu. (Rom 15:7; Hiib 13:2) Kɛnga a wue lɔ a mu ndee na gbua ndɔɔ yeka hu, ɔɔ Klisimamui na yamanga woma Ngewɔ hindei hu, tao i gbenga a wa la mu gomisia hu fo lɛnga va naa. Ba ye lo ti bi hou ina bia mia bi kɛyi na bonda hu? Bɛɛ lo nunga ti gohunɛ bi ma ji ba wa komi hu? (Mat 7:12) Fale bii giini la kɛ a nyande lɔ kɔ bi kɛ a bi magbee va va nunga ma pɛiŋ komi aa ya lato, kɛ ji a vaya? Ji a kɛ lɔ kɛ mu longɔ a mu nyɔunyɔu tao a wa lɔ a tato Jɛhova gama. (Mat 5:16) Tɔnyi mia kɛ numu ɛɛ gu aa yɛpɛ numui kpɛlɛ gama a wa komi jisia hu, kɛɛ mu kpɛlɛ mu lapinga kɔ mu gohunɛ nasia ma ta wa, na a wote lɔ a kohunɛma hinda wa numui gbi gama. *

Wati na mua Kiiya Gomi hou, ta lee yana mua yɛ gohunɛma nunga ma, kungɔ mu yaa gohunɛ ti ma wati gbi. Pili na mua ndomi gɛ la a nasia ta wa mu gomisia hu a nina, a pie lɔ ti Ngewɔ lato tao ti gbɛɛ mu ma ngi vɛi va.—Jɔn 13:35.

^ kɔlɔ wumbumi 3 Baibui kɛilɔ kɛ kungɔ mu kɔɔ sia mua ye nasia hou la ti ti gbuanga jamaa ma, ɔɔ nasia ti tia yekpe gbuanga jamaa ma.—I Kɔr 5:11; II Jɔn 10.