Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KLISIMABLA TI HINDEISIA

Ba Gu Lɔ Bi Klisimamui Na Liinɛpɔ Yamanga Woma

Ba Gu Lɔ Bi Klisimamui Na Liinɛpɔ Yamanga Woma

Fo gbi, Klisimablei nasia ti yamanga woma ti gbotoma ta wa lɔ Kiiya Gomi hu. Ti yɛ tatonga a jia la a pili na a too kunafɔ lɛvui ma, kɛɛ hindanga ti yɛ pienga ti yamanga woma. Ti yɛpɛilɔ ye hindei nasia lɛnga ma bukui ji hu, Kam Bak to Jiova. (Hib 12:1) Kɛɛ baa lɔ tuŋ ti ma Jɛhova yama, na ti yeyani a ngi Lui ŋami. (ToW 20:28; IPit 1:18, 19) Mua ye gbɔ ti ma kɔ ti yama ti gbɛɛ jamaa ma?

Jamaa gbakuisia ta lapi lɔ kɔ ti Klisimablei nasia gɔkoi ti yamanga woma Ngewɔ hindei hu, sia lee mbala mahugbemui a leetee la kɔ i mbalei na gɔkoi yɛ longa hu. (Luk 15:4-7) Ji kɛma lɔ kɛ Jɛhova longɔ wa a mue tao kɛ ngi gbeengɔ mu va. (Jɛr 23:3, 4) Kɛɛ jamaa gbakuisia lee yana ngingi ji aa yɛ ti yeya, mu kpɛlɛ mua kpɔma wue lɔ kɔ mu ti liinɛpɔ. Mu lapinga kɔ mu ndoma gɛ a tie tao mu kɛ kɛ mu gbeengɔ ti va, na a Jɛhova gohunɛ lɔ tao mua vui bɛ mua kohunɛ majɔɔ lɔ. (Sal 19:17; ToW 20:35) Fale, gii a numu ba lo bi ngi liinɛpɔ, tao baa nda gbila!

A VIDUI JI GBEE ƐNKƆREJ INAKTIV KRISTIAN DƐN, NA WOMA WUA YƐPƐ LƆ KƆLONGƆ MƆLI JISIA MA:

  • Gbɔɔ Abi pieni ji i numu maini nahi ii yɛ kɔɔ kɛ Jɛhova Jeliwuamɔ mia a ngie?

  • Ina mu longɔ mu gbɔ numu ma na yamanga woma Ngewɔ hindei hu, gbɛva mia kungɔ mu yɛpɛ jamaa gbakuisia gama pɛiŋ mua yaa lɛ gulɔma?

  • Magbatei ye gbɛ mia Abi pieni pɛiŋ aa ya yama Lɔra gama?

  • Pili ye gbɛ mia Abi kɛni la kɛ ngi longɔ i gbɔ Lɔra ma tao kɛ ngi longoi vui a ngie?

  • Gbɔɔ mua kaa kɔlongɔ tɔmasei na ma Yesu gayengeni Luuk 15:8-10?

  • Nafei ye gbɛnga mia ti gbuani ji hu mu ndeenga ti kɛni a ngooyia kɔ ti gbɔ Lɔra ma?