Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 Kaka 2

Ye Mia Tɔnya Yewɔwai a Ngie?

Ye Mia Tɔnya Yewɔwai a Ngie?

Tɔnya Yewɔi yakpe mia na. Ngi biyei mia a Jɛhova. (Ɛksodus 6:3) I ngelegohu lɔ, tao ngafa mia a ngie, famia muɛ ngi lɔ. Ngewɔ longɔ a mue. Ngi longɔ mu lo a ngie, tao mu lo a nunga yekeisia. (Saams 31:23, Matiu 22:39) Ta mia haiŋ kpɛlɛ gbatɛni, tao ta mia Mahawai a ngie.

Hala haiŋ Ngewɔ kpatɛni i yɛni a maika gbayangɔ waa lɔ ngelegohu. Wati leengɔ woma, ji i wani ndunyi ji hu, ti ngi loilɔ a Yesu Klisti. Na leengɔ woma Jɛhova maika yekanga gbatɛilɔ.

Jɛhova mia haiŋ kpɛlɛ gbatɛni ngelegohu . . . kɛ ndunyi ji hu. Hinda Gɛngɔ 4:11

Jɛhova ndumbekeisia gbatɛilɔ, kɛ ndunyi, kɛ haiŋ kpɛlɛ ndunyi hu.—Jɛnɛsis 1:1.

Adam mia haala mui le Ngewɔ kpatɛni. I ngi gbatɛni a pɔlei lɔ.—Jɛnɛsis 2:7.