Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 Kaka 5

Gbɔɔ Mua Kaa Kɔlongɔ Na Ma Wueni Noa Wati Hu?

Gbɔɔ Mua Kaa Kɔlongɔ Na Ma Wueni Noa Wati Hu?

Nunga ti gbotongɔ wa yɛla, ti yɛ a nyamui ga Noa wati hu. Jɛnɛsis 6:5

Ndunyi laveilɔ a Adam tia Iv lengeisia. Wati leengɔ woma, maikeisia ti lɛnga, ti toilɔ Setana ma.

Ti mawoveilɔ a nuvuisia, kɛ ti wa ndunyi hu. Ti nyahangeisia ngɔilɔ tiɛkpe va, kɛ tia teini ti ndenga lea. Ye ndengei nasia, ti ma luwangɔ, tao ti gbayangɔ wa yɛla.

Ndunyi hu laveilɔ a nunga nyamuisia. Baibui ndeilɔ yɛ: ‘Nuvuisia ti gbɛgbɛlisia ti maluwangɔ wa yɛla ndunyi hu, kɛ kili gbi lee ti lii hu yɛni a hinda nyamu lɔ a wati gbi.’

Noa woloilɔ Ngewɔ ma, kɛ i ndɛndɛi gbatɛnga. Jɛnɛsis 6:13, 14, 18, 19, 22

 Noa yɛni a numu yekpelɔ. Jɛhova ndeilɔ Noa ma yɛ, i wama a njavei, kɔ i nunga nyamuisia kpɛlɛ juuku.

Ngewɔ ndeilɔ Noa ma, kɔ i ndɛndɛ waa gbatɛ, kɔ tia ngi mableisia ti jɔkɔ hu kɛ fuhanisia.

Noa nunga ti lahin lɔ, kɛɛ tii woloni. Nunga ti juyailɔ a ngie, tao ti lɛnga ti yɛlɔ a ngi yɛɛ.

Ji Noa kpɔyɔni a ndɛndei gbatɛ la, i huangeisia jɔkɔilɔ hu.