Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 Kaa ye 6

Ndilooma Lɔ Na Nasia Va Ti Haanga?

Ndilooma Lɔ Na Nasia Va Ti Haanga?

1. Ngowi yekpi ye gbɔɔ na kɔlongɔ haabla ma?

Ji Yesu yɛ ndunyi ji hu, ngi ndiamɔ yia yɛlɔ na ta toi a Lasalɔs. I yɛ Bɛtani lɔ Jɛlusalɛm gblanga. Lasalɔs hingbɛilɔ, pɛiŋ Yesu foma Bɛtani, i mɛini Lasalɔs haanga. Njii naani mia i wumbuni pɛiŋ Yesu a ya fona. Ji Yesu foni, tia Lasalɔs ndeengeisia Mɛɛli kɛ Maata, ti lilɔ Lasalɔs gambei gama. Nunga yekeisia ti yɛɛ na. Mɛɛli tia Maata ti gohunɛilɔ wa ji Yesu ti ndii yamani ndɛvui hu.Jɔn 11:21-24, 38-44 gaa.

Maata yɛ kɔɔ lɔ, kɛ Jɛhova wama haabla ti wumaa hei hu, kɔ ti yama ndunyi hu gbɔma.Joob 14:14, 15 gaa.

2. Gbɔɔ a wue a mue ji mua haa?

Ngewɔ ndeilɔ Adam ma yɛ: “Pɔlɔ lɔ a bie, tao pɔlɔ hu lɔ ba yama na.”JƐNƐSIS 3:19.

Ngewɔ mu gbatɛni a pɔlei lɔ. (Jɛnɛsis 2:7; 3:19) Nuvunga mia mue, gbɛogbɛ ɛɛ gbua mu hu ji mua haa. Ngafa gbii mu hu. Ji mua haa, muɛ yaa gili a gbɛogbɛ gbɔma. Ji Lasalɔs yamani ndɛvui hu, ii gbɛogbɛ leni kɔlongɔ nama wueni a ngie ji i yɛ hei hu, jifa haabla tii gbɛogbɛ gɔɔ.Saam 146:4; Ɛkkliisiastiis 9:5, 6, 10 gaa.

Tɔnya mia kɛ Ngewɔ aa nunga mɔɔ ngɔmbui hu ji ta haa? Sia mu kaanga Baibui hu, haabla tii gbɛogbɛ gɔɔ. Fale, ndɛɛ gbama mia kɛ Ngewɔ a nunga mɔɔ ngɔmbui hu ji ta haa. Ngewɔ ii gili ma a na wuela klobɛɛ va.Jɛrɛmaia 7:31 gaa.

 3. Haabla ta yɛpɛɛ mu gama?

Haabla tɛɛ yɛpɛ, tao tɛɛ njia mɛi. (Saam 115:17) Kɛɛ, maika nyamuisia mia ta yɛpɛ nunga gama, ta kɛ sia lee bɛɛ haabla mia ti yɛpɛ ma. (Juud 6) Jɛhova ii loni klobɛɛ va mu haabla ti wɔfɛgbua.Dutɛrɔnɔmi 18:10, 11 gaa.

4. Yeni mia ta yama ndɛvui hu?

Nungei nasia ti haanga, ti gbotoma ti yama maa gbɔma ndɛvui hu ndunyi ji hu. Nasia ti yɛ a hinda nyamuisia wue, jifa tii yɛ Ngewɔ gɔɔ, ta yamaa gbɔma ndɛvui hu.Luuk 23:43; Toobla ti Wiehindɛisia 24:15 gaa.

Nasia ti yama ma ndɛvui hu, ta gulɔ ti tɔnyi gaa kɔlongɔ Ngewɔ ma. Ta kɛlɔ kɛ ti lii lɔ looni Yesu ma, ji ta wolo ngi ma. (Hinda Gɛngɔ 20:11, 12) Tao ti Ngewɔ liima hindei wuea, ta yɛlɔ ndunyi ji hu a kohunɛ kunafɔ va.Jɔn 5:28, 29 gaa.

5. Gbɛ mia hinje kambahuin a nde mu ma kɔlongɔ Jɛhova ma?

Kɔ nungei nasia ti haanga ti yama ndɛvui hu, famia i Yesu looni kɔ i haa mu va. Hinje kambahuin kɛma lɔ, kɛ Jɛhova longɔ a mue huleengɔ gboŋ. Ye mia vui ba lo bi ngi lɔ, ji haabla ta yama ndɛvui hu?Jɔn 3:16; Romablɛisia 6:23 gaa.