Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 Kaa ye 1

Ngowi Yekpi A Gbɔɔ?

Ngowi Yekpi A Gbɔɔ?

1. Ngowi ye gbɔɔ gbuama Ngewɔ gama?

Ngewɔ longɔ nunga ti kohunɛ majɔɔ ndunyi ji hu. Jifa ngi longɔ a mue, famia i ndunyi gbatɛni, kɛ haiŋ kpɛlɛ hu. Kpekpeya lɔ Ngewɔ nɛmahu numui kpɛlɛ va ndunyi ji hu, tao i wama mɔni kpɛlɛ gbɔyɔ ma ndunyi ji hu.Jɛrɛmaia 29:11 gaa.

Sia wɔɔ gba, mahaya gbi ii ya gui, kɔ i kpagba ma hindeisia gbua nunga ma ndunyi ji hu, sia nyikɔ hingbei na, kɛ hei. Kɛɛ ngowi yekpe lɔ na mu kpɛlɛ va. Ngewɔ wama mahayeisia kpɛlɛ jukuu maa, kɛ i waa a ngi nda Mahayei. Nasia ta yɛ Ngewɔ Mahayei bu, ta kohunɛ kɛ kahungbua yekpe majɔɔ lɔ.Aisaia 25:8; 33:24; Daniɛl 2:44 gaa.

2. Gbɛva mia ngowi yekpi ji ma gbeengɔ?

Ndilɛli ɛɛ gu ii yɛ ndunyi ji hu, kɛlee Ngewɔ i nunga nyamuisia jukuu. (Sɛfanaia 2:3) Kɛɛ migbe mia na a wue? Ngewɔ Layei yɛpɛilɔ kɔlongɔ hinda nyamui jisia ma ti mu mɛi ma ha. Hinda nyamui jisia ti wue ma ha, ti kɛma lɔ kɛ Ngewɔ wama loko wili maa ndunyi ji ma hinda hu sange.II Timɔti 3:1-5 gaa.

3. Gbɛ mia kungɔ mu pie?

Kɔ mu kaa wue kɔlongɔ Ngewɔ ma, kungɔ mu Baibui gaa. Baibui wuengoi lee, sia kɔlei na a gbua kɛkei na gama ndomi ngi lii hu ngi lenga va. Ngewɔ Layei a mu gaa lɔ a na mua pie, kɔ mu yɛ ndilɛi hu, tao na mua pie kɔ mu kunafɔ lɛvui majɔɔ. Numu kpɛlɛ yana ti gohu a yɛ nɛima, ji ba yɛ Baibui gaama. Ii nyandeni bi gbula kunafɔ lɛvui na ma, Ngewɔ magaanga bi va. Fale, ba luma numu gbii a pie bi gbe a kaa wue la kɔlongɔ Ngewɔ ma.Saleisia 29:25; Hinda Gɛngɔ 14:6, 7 gaa.