Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KAKA 6

Gbɛva Mia Ngewɔ Ndunyi Ji Gbatɛni?

Gbɛva Mia Ngewɔ Ndunyi Ji Gbatɛni?

NGEWƆ ndunyi ji gbatɛilɔ kɔ nuuvuisia ti yɛ na a ndiilɛi kɛ kohunɛ. Ngi Layei ndeilɔ yɛɛ: “Ngelemɛisia lɔ a Ndemɔi ngi ndɛisia; Kɛɛ ndunyɛi lɔ i feni nunga ti lenga wɛ.”—Saam 115:​16.

Pɛiŋ Ngewɔ aa ya numui ye haala yi gbatɛ ndunyi ji ma, i kaka yia wumbuilɔ i na gbatɛ panda, na lei yɛla a Idɛn. Kayema Bukui ndeilɔ yɛ Yufletiis kɛ Taiglis (Hidikɛl) yeisia ti wui yɛ Idɛn gatei hu lɔ. * Nunga gbotoma ti giingɔ la kɛ Idɛn gatei yɛ ndɔɛ na hu lɔ ta toi ha a Tɔki a fuli hinje we huwue. A tɔnya, Idɛn gatei yɛ vui ndunyi ji ma lɔ.

Ngewɔ Adam gbatɛilɔ kɛ i ngi wunga Idɛn gatei hu “ngenge wieva na kɛ mahugbeva.” (Jɛnɛsis 2:​15) Na woma, Ngewɔ nyaha gbatɛilɔ ngi va, na ngi biyei yɛla a Iv. Ngewɔ ndeilɔ ti ma yɛɛ: “A ndo le, wu mato, wu ndunyɛi lave, wu . . . ndunyi mahugbe.” (Jɛnɛsis 1:​28) Na kɛma lɔ gboleiŋ kɛ Ngewɔ ii ndunyi gbatɛni “gbama” va, kɛɛ “i kpatɛilɔ kɔ nunga ti hei hu.”—Aisaia 45:​18.

Kɛɛ Adam tia Iv ti faliailɔ a Ngewɔ a ji ti ngi jawei nyanini a kɛwɛ. Fale, Ngewɔ ti gbɛilɔ Idɛn gatei hu. Ti baailɔ a alijɛni na. Kpalei na ti jumbui wani la ii gɛlɛni lee ti gama. Kayema Bukui ndeilɔ yɛɛ: “Nuu yila hu lɔ jumbu i wuani ndunyɛi hu, kɛ ha i wani a jumbu hinda hu wele; kɛ hi lɔ na ha i leweni nunga gbi mahu, ajifa ti gbi ti jumbu hinda wienga.”​—Romablɛisia 5:​12.

Kɛɛ Jɛhova lemailɔ hindei na ma i yɛ magaanga kɛ ndunyi ji a wote lɔ a alijɛnɛ tao kɛ nuuvuisia ta yɛɛ na a kohunɛ? Ɔ-ɔ. I ndeilɔ yɛɛ: “Nya layiɛi na a gbua nya la: ɛɛ yama nya gama gbama, kɛ a na wielɔ a nɛ mbɛ.” (Aisaia 55:​11) Ngewɔ wama ndunyi ji wote ma a alijɛnɛ.

Hindeisia ta ye yɛ na ndunyama Alijɛni hu? Kɔ bi kɔɔ, lahedi nasia gaa ti kɔlɔ laa fili nasia ma ti tooma ji woma.

^ kɔlɔ wumbumi 4 Jɛnɛsis 2:​10-14 ndeilɔ yɛɛ: “Nja yila i gbuanga Iidɛn hu njei veva katɛi wɛ; mia i gɔlɛni i wote a nja wu nani. Yehalayei la i yɛni a Paisɔn lɔ: . . . yefeleyei lɛi lɔ a Gaihɔn: . . . yesawayei lɛi lɔ a Hiddɛkɛl [ɔɔ, Taiglis]; ta lɔ a na a jia Asiria gulɔ. Kɛ yenaniyei i yɛni Yufretiis lɔ.” Mia njei ye haala yi kɛ ye fele yi yɛ wɔɔ na numu gbi ii kɔɔ ha.