Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KAKA 1

Ngewɔ Gbeengoi Vui Mu Va?

Ngewɔ Gbeengoi Vui Mu Va?

NDUNYI hu vendangoi ha kpaŋ a hinda nyamuisia, sia nyikɔ koi na, kpundɛma hindeisia, hingbei, nyani, kɛ guyuguyu hindeisia. Tao hindei jisia kɛ yepekeisia lɔ ha nunga miliɔn gboto vaweima. Kɛnga bia bɛ ndiinyanima hindanga ta bi mai lɔ. Numu gbi lɔ na nahi a gu i gbɔ mu ma? Numu gbi lɔ na nahi ngi gbeengɔ mu va?

Ndomi na Ngewɔ lii hu mu va, i leeni poloŋ ndomi na ma a yɛ kuimi lii hu ngi lola va

Mua gu lɔ mu lala a mu lii gbi kɛ Ngewɔ gbeengoi vui mu va. I ndeilɔ Kayema Bukui hu yɛɛ: “Nyaha a gulɔ i lema nyini gbɔle lolai ma, nahi ɛɛ ngi gohu hindoloi mamamau lɔ? A tɔnya, jisia, tɛnga, ta lemalɔ, kɛ na hu gbi ngɛɛ . . . lema bi ma.” *

Ndiinɛpɔ wa mia kɔɔ va kɛ ndomi na Ngewɔ lii hu mu va, i leeni poloŋ ndomi na ma a yɛ kuimi lii hu ngi lola va. Kunafɔ Ngewɔ ɛɛ loko gbua mu mahinda hu! A tɔnya, i gbɔnga mu ma a pili yia huwue. A pili ye gbɛ huwue? A ji i pele gɛnga a mue na a pie mu lanayei ye tɔnyangoi majɔɔ na wa a kohunɛ mu gama.

Lanayei ye tɔnyangoi yaa bi hu a pie i bi gu kohunɛ ma, tao a gbɔɔ bi ma kɔ bi lee hinda gboto hu nahi bɛ gu ba jowi ma. A gbɔɔ gbɔma bi ma kɔ bi lala Ngewɔ gblanga tao na a wa lɔ a ndiilɛi bi gama. Lanayei ye tɔnyangoi a pie lɔ liilooma i yɛ bi yeya kunafɔ lɛvui majɔɔ va ndunyama Alijɛni hu.

Kɛɛ gbɛ mia lanayei ye tɔnyangoi le? Gbɔɔ ba pie kɔ bi gu ma?

^ kɔlɔ wumbumi 4 Aisaia 49:​15 gaa Kayema Bukui hu.