Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KƆLƆNGU 13

Ye Mia Pelelamui Le?

Ye Mia Pelelamui Le?

Kanada

Tia Ngewɔ layei le ma pɛɛsia la

Tia numui gaa ma a Baibui

I Baibui lɔ gaa ma

Pelelamui yɛni a numui na lɔ a pele la, kɔ nunga yekeisia ti too ngi woma. Yesu yɛni wɔɔ a pelelamɔ lɔ, gbɛva see ji i wani ndunyi ji hu, i Ngewɔ layei lei lɔ pele la va kɔ nunga ti kunafɔ lɛvui majɔɔ. (Matiu 20:28) Ha bɛ, ngi womableisia lɔ Ngewɔ layei lema hawa gboto va, kɔ ‘ti nunga wote a topomabla.’ (Matiu 28:19, 20) Nunga gbotoma ti gunga kɔ ti pelela yingi wue.

Pelelamui yɛni a numui na lɔ a Ngewɔ layia lelei wote a ngi magbee. Jɛhova Jeliwuableisia ti kpɛlɛ ta Ngewɔ layei le lɔ. Kɛɛ nasia lɔ na ti ti magbatɛnga kɔ ti wote a wati gbi weelabla. Hawa 70 mia ta mbumbu Ngewɔ layei le va ngawu gbi lee. Ti gbotoma, ti wati gbunga ti yenge wati ma kɔ ti gu ti ngingi ji wue. Nasia ti magbatɛngɔ li va hinda gbi lee kɔ ti Ngewɔ layei le, ta ti wumbu lɔ kɔ ti wote a kpa peelabla. Hawa 130 ɔɔ teengɔ ma, to mia ta mbumbu Ngewɔ layei le va ngawui gbi lee. Pelelabla ti lii lɛingoi na ma gbi lee ti yeya, tao ti langoi la kɛ na gbi lee ti gbeengɔ fa, Jɛhova a fe lɔ ti wɛ. (Matiu 6:31-33; I Timɔti 6:6-8) Nasia tɛɛ gu ta Ngewɔ layei le hawa 130 ɔɔ 70 va, wati lɛnga ti gunga, ta wote lɔ a kpɔma weelabla. Ta hawa 30 ɔɔ 50, lɔ wumbu Ngewɔ layei le va ngawu ma.

Ndomi lɔ pelelabla ti lii hu Ngewɔ va, kɛ nunga. Yesu wati hu, nunga ti longɔ yɛla ti kaa wue kɔlongɔ Ngewɔ ma. Ha bɛ, nunga gbotoma ti longɔ ti kaa wue kɔlongɔ Ngewɔ ma, kɛ na ngi longɔ la mu va. (Maak 6:34) Tao tɔnyi lɔ mu yeya na a gbɔ ti ma, ti ti lii loo na ma Ngewɔ wama pie ma klɔma. Ndomi na pelelabla lii hu nungeisia va, ta mia a pie ta ti lii kpɛlɛ wu nunga gaalei hu a Ngewɔ Layei. (Matiu 22:39; I Tɛsaloniabla 2:8) Sia lee ta yɛ Ngewɔ layei lema nunga ma, himia ta lala Ngewɔ gblanga, ti lanayei a yɛ kpau, tao na a ti gɔ lɔ a kohunɛ wa.—Toobla ti Wiehindɛisia 20:35.

  • Ye mia pelelamui le?

  • Gbɛva mia nunga lɛnga ta pelela yingi wue?